PNB Launches Dedicated Stock Broker Branch In Mumbai At BSE

.

या शाखेचे उद्घाटन पंजाब नॅशनल बँकेचे व्यवस्थापकीय संचालक (MD) व मुख्य कार्यकारी अधिकारी (CEO) श्री. अशोक चंद्रा आणि प्रमुख पाहुणे बॉम्बे स्टॉक एक्सचेंजचे MD व CEO श्री. सुंदररामन राममूर्ती यांच्या हस्ते पार पडले. या प्रसंगी BSECL च्या MD व CEO श्रीमती वैशाली बाबू, PNB चे मुख्य महाव्यवस्थापक व झोनल प्रमुख श्री. दीपक श्रीवास्तव आणि वर्तुळ प्रमुख श्री. राजीव कमल यांची प्रमुख उपस्थिती होती.

उद्घाटन प्रसंगी बोलताना PNB चे MD व CEO श्री. अशोक चंद्रा म्हणाले, “पंजाब नॅशनल बँक स्टॉक ब्रोकिंग क्षेत्रासाठी आधुनिक आणि गरजेनुसार बनवलेली (tailor-made) वित्तीय उत्पादने आणण्यावर विशेष भर देत आहे. ही नवी शाखा डिजिटल बँकिंगद्वारे ब्रोकर्सना सर्वसमावेशक व विनाविलंब सेवा पुरवण्यासाठी एक महत्त्वाचे पाऊल ठरेल.”

शाखेची प्रमुख वैशिष्ट्ये व सुविधा

शेअर बाजारामुळे उद्योगांना भांडवल, देशाच्या विकासाला गती: अशोक चंद्रा

देशाच्या आर्थिक विकासात महत्त्वाची भूमिका बजावणाऱ्या मुंबईतील बॉम्बे स्टॉक एक्सचेंजची (BSE) स्थापना 9 जुलै 1875 रोजी झाली. त्यावेळी ‘द नेटिव्ह शेअर अँड स्टॉक ब्रोकर्स असोसिएशन’ या नावाने सुरू झालेली ही संस्था आज भारताच्या भांडवली बाजारातील प्रमुख केंद्रांपैकी एक आहे. सुरुवातीला अवघ्या 318 सदस्यांपासून सुरू झालेल्या या संस्थेने भारताच्या आर्थिक वाटचालीत महत्त्वपूर्ण योगदान दिले. “शेअर बाजारामुळे उद्योगांना भांडवल आणि देशाच्या विकासाला गती देण्याचे काम होत आहे,” अशी माहिती PNB चे व्यवस्थापकीय संचालक अशोक चंद्रा यांनी दिली.

यावेळी BSECL च्या MD व CEO वैशाली बाबू म्हणाल्या की, स्टॉक एक्सचेंजमुळे कंपन्यांना शेअर्स आणि रोख्यांच्या माध्यमातून मोठ्या प्रमाणावर भांडवल उभारता येते. हे भांडवल उद्योगविस्तार, नवीन प्रकल्प, यंत्रसामग्री, तंत्रज्ञान आणि व्यवसायवाढीसाठी वापरले जाते. परिणामी उत्पादनक्षमता वाढण्याबरोबरच प्रत्यक्ष आणि अप्रत्यक्ष रोजगारनिर्मितीलाही चालना मिळते.

तर PNB चे मुख्य महाव्यवस्थापक व झोनल प्रमुख दीपक श्रीवास्तव यांनी सांगितले की, सामान्य नागरिकांच्या बचतीतील पैसा उद्योग आणि कंपन्यांमध्ये गुंतवला जात असल्याने ‘बचत ते गुंतवणूक आणि गुंतवणुकीतून विकास’ अशी आर्थिक साखळी तयार होते. शेअर बाजारामुळे गुंतवणूकदारांना त्यांच्या गुंतवणुकीतून बाहेर पडण्यासाठी तरल बाजारपेठ उपलब्ध होते. मागणी-पुरवठ्यानुसार शेअर्सच्या किमती ठरत असल्याने कंपन्यांचे बाजारमूल्यही निश्चित होते.

याशिवाय भांडवली बाजारातील व्यवहारांवर भारतीय प्रतिभूती आणि विनिमय मंडळाचे (SEBI) नियमन असल्याने पारदर्शकता आणि गुंतवणूकदारांच्या हिताचे संरक्षण करण्यास मदत होते. BSE चा सेन्सेक्ससारखा निर्देशांक उद्योगविश्वातील आणि गुंतवणूकदारांच्या विश्वासातील बदलांचे संकेत देतो. बचत, गुंतवणूक, उद्योगवाढ, रोजगार, उत्पादनवाढ, आर्थिक विकास या साखळीत स्टॉक एक्सचेंजची भूमिका अत्यंत महत्त्वाची असल्याचे चंद्रा यांनी स्पष्ट केले.

या सोहळ्याला NSE, BSE, MCX आणि BSECL चे वरिष्ठ अधिकारी, उद्योग क्षेत्रातील मान्यवर आणि बँकेचे ग्राहक मोठ्या संख्येने उपस्थित होते.