इंडियन ऑइल (IOC) ने अल्जेरियाच्या सरकारी कंपनी सोनाट्रॅकसोबत 2027 सालासाठी LPG म्हणजेच स्वयंपाकाचा गॅस आयात करण्याचा करार केला आहे. भारताने हे पाऊल आखाती देशांवरील आपले अवलंबित्व कमी करण्यासाठी उचलले आहे. या वर्षी अमेरिका-इराण यांच्यातील युद्धामुळे ‘स्ट्रेट ऑफ होर्मुझ’ येथे गॅसचा पुरवठा थांबला होता. यामुळे भारतात इंधनाची कमतरता निर्माण झाली होती आणि सरकारला सिलिंडरचा मर्यादित पुरवठा करावा लागला होता. भविष्यात अशी परिस्थिती पुन्हा येऊ नये आणि घरांमध्ये गॅसचा पुरवठा अखंडितपणे सुरू राहावा, यासाठी भारत आता अल्जेरियाकडून थेट गॅस मागवणार आहे. दरमहा 55 हजार टनांपर्यंत LPG येणार या करारानुसार, इंडियन ऑइल कॉर्पोरेशनला दरमहा अल्जेरियातून 45,000 टन ते 55,000 टन LPG भारतात मिळेल. या कार्गो पुरवठ्यात प्रोपेन आणि ब्युटेन या दोन्ही वायूंचे मिश्रण समाविष्ट असेल. सौदी अरामकोपेक्षा कमी किमतीत अल्जेरिया गॅस देणार या करारामुळे इंडियन ऑइल आणि अल्जेरियाच्या कंपनीमधील जुने व्यापारी संबंध पुन्हा सुरू झाले आहेत. यापूर्वीही दोघांमध्ये असा करार होता, परंतु नंतर भारताने आखाती देशांकडून (मिडल-ईस्ट) अधिक गॅस खरेदी करण्यास सुरुवात केली होती. अहवालानुसार, अल्जेरियाकडून मिळणाऱ्या एलपीजीची किंमत सौदी अरेबियाच्या सौदी अरामको कंपनीपेक्षा कमी आहे, ज्यामुळे हा गॅस भारताला स्वस्त पडेल. हा संपूर्ण करार फ्री-ऑन-बोर्ड (FOB) तत्त्वावर झाला आहे, म्हणजेच गॅस जहाजावर चढवल्यानंतर पुढील जबाबदारी इंडियन ऑइलची असेल.
Source link
इंडियन ऑइलचा अल्जेरियाच्या सोनाट्रेक कंपनीसोबत LPG करार:2027 पासून दरमहा 55,000 टन गॅस मिळेल, आखाती देशांवरील अवलंबित्व कमी होईल
