पोटाची भूक भागवण्यासाठी भीक मागणाऱ्या चिमुकल्यांकडे पाहून माणुसकी जागी व्हावी, अशी अपेक्षा असते. मात्र, लातूरमध्ये अधिक भीक मिळावी आणि त्यातून जास्त पैसे मिळवता यावेत म्हणून दोन चिमुकल्या मुलींनाच अपंग बनवण्याचा अमानुष प्रयत्न झाल्याचा धक्काद
.
लातूर शहरात भीक मागण्यासाठी एका मशिदीसमोर बसवण्यात आलेल्या तीन वर्षांच्या चिमुकलीची अवस्था पाहून उपस्थितांचे ही काळीज पिळवटून गेले. तिच्या डोळ्याला, डोक्याच्या कवटीला तसेच शरीराच्या विविध भागांवर गंभीर दुखापती आढळून आल्या. मारहाणीमुळे तिच्या शरीरावर जखमांच्या खुणा असल्याचे समोर आले. घटनेची माहिती महिला व बालविकास विभागाला मिळताच बाल संरक्षण अधिकाऱ्यांच्या पथकाने घटनास्थळी धाव घेतली.
इतवारा पोलिस ठाण्यात गुन्हा वर्ग केला
एक महिला तिच्या जखमी मुलीला घेऊन शहरातील एका मशिदीच्या आवारात भीक मागत असल्यामुळे माहिती चाइल्ड लाइनला मिळाली होती. त्यांनी या मुलीची सुटका केल्यानंतर चौकशी अंती मुलीचे सावत्र वडिल या मुलीला भीक मागण्यासाठी बेदम मारहान करुन अपंग बनवल्याचे समोर आले. झीरो ने गुन्हा दाखल करुन तो इतवारा पोलिस ठाणे नांदेड येथे वर्ग करण्यात आला – सुनिल रेजीतवाड, पोलिस निरीक्षक
लातूर, नांदेड येथून दोघींची केली सुटका
चिमुकल्यांना भीक मागण्यास भाग पाडण्याचा प्रयत्न अत्यंत गंभीर आहे. या प्रकरणी मुलीची वैद्यकीय तपासणी करण्यात आली असुन तिच्यावर आता उपचार करण्यात येत आहेत. या मुलीची मोठी बहिण नांदेड शहरात अशाच अवस्थेत आढळल्यामुळे तिचीही सुटका करण्यात आली. – धम्मानंद कांबळे, बाल संरक्षण अधिकारी, लातूर
