शहरासह जिल्ह्यात गणेशोत्सवाच्या वातावरणात माहेरवाशिणीसारख्या येणाऱ्या ज्येष्ठागौरीच्या (महालक्ष्मी) स्वागताची तयारी अत्यंत उत्साहात सुरू आहे. आज गुरुवारी ज्येष्ठागौरीचे आवाहन होत असून त्यासाठी सायंकाळी ७ वाजून ५२ मिनिटांपर्यंतचा मुहूर्त आहे. त्यानंतर
.
ज्येष्ठागौरी पूजेसाठी लागणारे साहित्य मुखवटे : पितळ, तांबे, चांदी किंवा शाडूच्या मातीचे पारंपरिक मुखवटे. काही ठिकाणी उभ्या गौरी (स्टँड किंवा कोथळ्यांवर साडी नेसवून) किंवा धान्याच्या राशीवर मुखवटे स्थापन केले जातात. वस्त्रालंकार: पैठणी किंवा नऊवारी सिल्क साडी, खण, चोळी आणि पारंपरिक दागिने (हार, नथ, तान्सुली, बांगड्या). पूजेचे साहित्य: हळद, कुंकू, गंध, अक्षता, गुलाल, अबीर, विड्याची पाने, सुपाऱ्या, खारीक, बदाम, सुके खोबरे, पंचामृत आणि सोळा पदरांचा हळद लावलेला ‘दोरक’ फुले व पत्री: जास्वंद, शेवंती, मोगरा, अंबाडीची किंवा तेरड्याची रोपे.
नगरची परंपरा व वेगळेपण नगर जिल्ह्यात शहर व ग्रामीण भागात गौरी आणण्याच्या विविध पद्धती आहेत. काही ठिकाणी दोन गौरी (ज्येष्ठा व कनिष्ठा), तर काही ठिकाणी महालक्ष्मीचे मुखवटे आणि तिची दोन लेकरे अशी कुटुंब स्वरूपातील मांडणी केली जाते. जुन्या बाजारपेठांमधील पारंपरिक कारागीर हाताने मुखवट्यांचे नक्षीकाम करतात ज्यामुळे नगरच्या गौरींच्या चेहऱ्यावर वेगळेच आध्यात्मिक तेज दिसते.
