अमरावती ग्रामीणमध्ये गोवंश जनावरांची बेकायदेशीर वाहतूक करणाऱ्यांवर कारवाई करण्याचे निर्देश पोलीस अधीक्षक निकेतन कदम यांनी दिले होते. त्यानुसार, स्थानिक गुन्हे शाखेच्या पथकाने मोर्शी ते चांदूर बाजार मार्गावरील रिद्धपूर फाट्याजवळ सापळा रचला. या कारवाईत दोन बोलेरो पिकअप, दोन टाटा एस गाड्या आणि १५ गोवंशीय जनावरे जप्त करण्यात आली. वाहनांमध्ये जनावरांची क्रूरपणे, चारा-पाण्याविना आणि दोरीने बांधून वाहतूक केली जात होती. गुप्त माहिती मिळाल्यानंतर मंगळवार, २९ सप्टेंबर रोजी शिरखेड पोलीस ठाण्याच्या हद्दीत ही नाकाबंदी झाली. पोलिसांनी शिरजगाव बंड, चांदूर बाजार आणि वरुड येथील चार जणांना ताब्यात घेतले. एकूण ११ लाख ६२ हजार रुपयांचा मुद्देमाल जप्त करण्यात आला. जप्त केलेल्या मुद्देमालात १ लाख ६२ हजार रुपयांची १५ जनावरे, तसेच ९ लाख रुपयांची दोन बोलेरो पिकअप आणि दोन टाटा एस वाहने आहेत. जनावरांना सुरक्षिततेसाठी येरला (ता. मोर्शी) येथील गोवंश संस्थेत पाठवले आहे.
Source link
गोवंश जनावरांची अवैध वाहतूक करणारा पकडला:रिद्धपूर येथे स्थानिक गुन्हे शाखेची कारवाई,11.62 लाखांचा मुद्देमाल जप्त
