12 ज्योतिर्लिंगांपैकी एक असलेल्या श्रीक्षेत्र वेरूळ येथील श्री घृष्णेश्वर मंदिर आगामी 1 नोव्हेंबरपासून दर्शनासाठी बंद होणार, अशी अफवा पसरली होती. यामुळे देशभरातील लाखो भाविकांमध्ये संभ्रम आणि स्थानिक व्यावसायिकांमध्ये चिंतेचे वातावरण होते. मात्र, गुरुवारी (1 ऑक्टोबर) जिल्हाधिकारी कार्यालयात पार पडलेल्या बैठकीत ‘1 नोव्हेंबरपासून मंदिर बंद राहणार नाही” असे आश्वासन जिल्हाधिकारी विनय गौडा यांनी दिले. कुंभमेळ्याच्या पार्श्वभूमीवर वेरूळ गावातील अवजड वाहतूक पुढील सहा महिन्यांसाठी वळवली आहे, असे त्यांनी स्पष्ट केले. वेरूळ येथील श्री घृष्णेश्वर मंदिरपरिसरात 210 कोटी रुपये खर्चून विकासकामे केली जात आहेत. यामध्ये मंदिर परिसरात भव्य प्रवेशद्वार, दर्शन रांगेची व्यवस्था, ध्यान केंद्र (मेडिटेशन सेंटर), जुन्या तीर्थक्षेत्रांचे पुनरुज्जीवन, फूड कोर्ट, सीसीटीव्ही यंत्रणा, भगवान शंकराची भव्य मूर्ती, संग्रहालय आणि लेझरलाईट-अँड-साऊंड शो यांसारखी कामे सुरु आहेत. या कामाचा आढावा घेण्यासाठी 30 सप्टेंबर रोजी प्रशासनाची बैठक झाली. या बैठकीत स्थानिकांना विश्वासात न घेता मंदिर बंद करण्याचा निर्णय घेण्यात आल्याची अफवा पसरल्याने, ग्रामस्थ व दुकानदारांनी गुरुवारी थेट जिल्हाधिकाऱ्यांची भेट घेतली. यावेळी भविष्यात या विकासकामांमुळे काही काळासाठी मंदिर बंद ठेवण्याची वेळ आल्यास, थेट निर्णय न घेता स्थानिक ग्रामस्थ, दुकानदार आणि देवस्थान ट्रस्टला विश्वासात घेतले जाईल, अशी ग्वाही जिल्हाधिकाऱ्यांनी दिली. यावेळी देवस्थान ट्रस्टचे अध्यक्ष कुणाल दांडगे, श्री घृष्णेश्वर दुकानदार असोसिएशनचे अध्यक्ष गणेश हजारी,वेरूळ लेणी दुकानदार संघटनेचेअध्यक्ष मकरंद आपटे यांच्यासह गोपाल गिरी किपाटी, विजय भालेराव, मिलिंद शेवाळे, प्रकाश पाटील, जितेंद्र हजारी, बाळू ठाकरे आदींची उपस्थिती होती. तोडगा काढण्याचे आश्वासन जिल्हाधिकाऱ्यांनी मंदिर परिसरातील स्थानिकलोकांच्या रोजगाराचा प्रश्नही समजून घेतला.सर्वसमावेशक तोडगा काढण्याचे आश्वासन दिल्यानेआम्ही समाधानी आहोत. – गणेश हजारी, अध्यक्ष,घृष्णेश्वर दुकानदार असोसिएशन सकारात्मक चर्चा, रोजगाराचाही विचार जिल्हाधिकाऱ्यांसोबत सकारात्मक चर्चा झाली असून, 1नोव्हेंबरला मंदिर बंद होणार नसल्याचे त्यांनी स्पष्ट केले आहे.त्यामुळे भाविकांनी संभ्रमात राहू नये, असे देवस्थान ट्रस्टचेअध्यक्ष कुणाल दांडगे यांनी सांगितले. मंदिर बंद ठेवण्याचा निर्णय नाही मंदिर बंद ठेवण्याबाबतचाकोणताही निर्णय झालेला नाही.कुंभमेळ्याच्या पार्श्वभूमीवरविकासकामांदरम्यान मंदिर बंदकरण्याबाबत काही निर्णयझाल्यास त्याबाबत अगोदरचकळवण्यात येईल. – विनय गौडा, जिल्हाधिकारी 29 मार्च 2027 पर्यंत वाहतूक वळवली कुंभमेळ्याच्या पार्श्वभूमीवर श्री घृष्णेश्वर मंदिर परिसरात विकासकामे वेगाने सुरू आहेत. भाविकांना रस्ता ओलांडताना सुरक्षितता मिळावी यासाठी राज्य मार्ग क्र. 216 ला छेदून अंडरपास (भुयारी मार्ग) बांधला जात आहे. या मोठ्या उत्खननामुळे सुरक्षिततेच्या कारणास्तव, या मार्गावरील सर्वजड वाहतूक 29 सप्टेंबर 2026 ते 29 मार्च 2027 (सहा महिने) पूर्णपणे बंद ठेवण्याचे आदेश प्रभारी पोलिस अधीक्षक प्रशांत स्वामी यांनी दिले आहेत. असा असेल पर्यायी वाहतूक मार्ग कन्नडकडून येणारी वाहने कन्नड तेवेरूळ-खुलताबाद-दौलताबादमार्गे छत्रपती संभाजीनगरकडे येणारी जड वाहने आता कसाबखेडा फाटा – वरझडी –माळीवाडा – शरणापूर फाटामार्गे संभाजीनगरकडे जातील. फुलंब्रीकडून जाणारी वाहने फुलंब्री-खुलताबाद-वेरूळमार्गे कन्नड व चाळीसगावकडे जाणारी वाहने छत्रपती संभाजीनगर – शरणापूर फाटा – माळीवाडा – वरझडी –कसाबखेडा फाटा – वेरूळमार्गे कन्नड व चाळीसगावकडे जातील. चाळीसगावकडून येणारी वाहने कन्नड वचाळीसगावकडून छत्रपती संभाजीनगरकडे येणारी वाहने कन्नड – वेरूळ – कसाबखेडा फाटा – वरझडी –माळीवाडा – शरणापूर फाटामार्गे छत्रपती संभाजीनगरकडे वळवण्यात आली आहेत.
Source link
वेरूळ येथील घृष्णेश्वर मंदिर भाविकांसाठी खुलेच राहणार- जिल्हाधिकारी गौडा:1 नोव्हेंबरपासून मंदिर बंद ही अफवा, भाविकांच्या हलक्या वाहनांसाठी स्वतंत्र व्यवस्था
