आंध्र प्रदेश कॅडरचे आयएएस अधिकारी विकास मरमट यांची बदली करण्यात आली आहे. त्यांच्यावर 9 ऑक्टोबर रोजी बंगळुरूतील एका नाइटक्लबमध्ये तपासणीदरम्यान पोलिसांशी शिवीगाळ आणि मारहाण केल्याचा आरोप आहे. नवीन नियुक्ती मिळेपर्यंत मरमट यांना सामान्य प्रशासन विभागात (GAD) हजर राहण्याचे निर्देश देण्यात आले आहेत. 2019 बॅचचे आयएएस अधिकारी मरमट यापूर्वी कुप्पम एरिया डेव्हलपमेंट अथॉरिटीचे (KADA) प्रकल्प संचालक होते. मुख्यमंत्री एन. चंद्राबाबू नायडू यांच्या विधानसभा मतदारसंघातील कुप्पम येथे विकासकामांवर हे प्राधिकरण देखरेख करते. घटनेची 2 छायाचित्रे… पोलिसांनी चार जणांविरुद्ध गुन्हा दाखल केला ही घटना रेसिडेन्सी रोडवरील कॅव्होर नाइटक्लबमध्ये घडली होती. रात्री सुमारे 1:30 वाजता अल्पवयीनांना दारू दिली जात असल्याची चौकशी करण्यासाठी केंद्रीय गुन्हे शाखेचे पथक क्लबमध्ये पोहोचले होते. बंगळुरू पोलिसांनी या प्रकरणात चार जणांविरुद्ध गुन्हा दाखल केला आहे. यामध्ये आयएएस अधिकारी विकास मरमट, त्यांचे रिअल इस्टेट व्यावसायिक मित्र अभय उदय सिंह, बिहारचे रहिवासी असलेले कोचिंग सेंटर संचालक नितीश आणि बाउन्सर रोशन यांचा समावेश आहे. पोलिसांनी मरमट यांना मुख्य आरोपी, तर उर्वरित तिघांना सहआरोपी केले आहे. घटनेच्या दुसऱ्या दिवशी सर्व आरोपींनी माफी मागितली चौकशीदरम्यान पोलिसांनी काही मुलींकडून त्यांचे वय निश्चित करण्यासाठी कागदपत्रे मागितली. मद्यपानाच्या कायदेशीर वयापेक्षा कमी वयाच्या व्यक्तींना मद्य दिले जात नाही ना, हे पोलिसांना तपासायचे होते. याचदरम्यान मरमट आणि त्यांच्यासोबत उपस्थित असलेल्या लोकांवर पोलिस कर्मचाऱ्यांशी गैरवर्तन आणि मारहाण केल्याचा आरोप करण्यात आला. पोलिसांच्या म्हणण्यानुसार, दुसऱ्या दिवशी सकाळी मरमट आणि इतर आरोपींनी त्यांच्या वर्तनाबद्दल माफी मागितली.
Source link
IAS अधिकाऱ्यावर नाइटक्लबमध्ये पोलिसांशी गैरवर्तनाचा आरोप, बदली:विकास प्राधिकरणात प्रकल्प संचालक होते; आंध्र प्रदेशातील प्रकरण
