अंजनगावसुर्जीतील गावंडगाव येथे चार, अडगाव खाडे येथे दोन, अशा सहा गाढवांचा अचानक मृत्यू झाला. मालक रमेश सुरजुसे (वय ६५) यांनी पोलिसांत तक्रार केली. सुरजुसे यांच्याकडे १० गाढवे होती. १६ ऑक्टोबर रोजी सकाळी एक गाढव मृत झाले, तासाभरात आणखी तीन. आजारी गाढवांना अडगावला आणले, तिथे आणखी दोन मृत पावली. रहीमपूरचे ठाणेदार प्रशांत देशमुख यांनी सहायक पोलिस उपनिरीक्षक प्रभाकर चव्हाण व शिपाई आदिनाथ खाडे यांना पंचनामा व शवविच्छेदनाचे निर्देश दिले. पशुवैद्यकीय अधिकारी डॉ. ए.बी. बचे यांच्यासह डॉ. रणदिवे, डॉ. प्रशांत सुरजुसे, डॉ. आदेश चोपडे, डॉ. सोपान ठाकरे, हाडोळे, अक्षय तायडे, जुनघरे यांनी शवविच्छेदन केले. अज्ञात व्यक्तीने विषारी हरभरे खाऊ घातल्याचा संशय आहे. प्रत्येक गाढवाची किंमत १७-१८ हजार रुपये असून, एकूण १ लाख ८ हजार रुपयांचे नुकसान झाले. अहवाल आठवडाभरात येईल, त्यानंतर मृत्यूचे कारण स्पष्ट होईल.
Source link
गावंडगाव आणि अडगावात सहा गाढवांचा अचानक मृत्यू:विषारी हरभरे खाऊ घातल्याचा संशय, मालकाने पोलिसांत तक्रार केली; तपास सुरु
