अमरावती जिल्ह्यातील ४ लाख ६३ हजार ६२९ शेतकऱ्यांची पडताळणी पूर्ण झाली आहे. त्यांच्या खात्यात प्रत्येकी ५ हजार रुपयांचे अग्रीम अनुदान जमा होण्यास सुरुवात झाली आहे. उर्वरित शेतकऱ्यांची पडताळणी गुरुवार, ५ नोव्हेंबरच्या सायंकाळपर्यंत पूर्ण केली जाणार आहे. जिल्ह्यातील सर्व १४ तालुक्यांत अपुऱ्या पावसामुळे दुष्काळी परिस्थिती निर्माण झाली आहे. याचा फटका ५ लाख १८ हजार १७७ शेतकऱ्यांना बसला आहे. शासनाच्या निकषांनुसार दुष्काळग्रस्त शेतकऱ्यांना ५ हजार रुपयांचे अग्रीम अनुदान देण्याचे ठरले आहे. पडताळणी पूर्ण झालेल्या शेतकऱ्यांच्या खात्यात ही रक्कम जमा केली जात आहे. उर्वरित शेतकऱ्यांची पडताळणी गुरुवारी सायंकाळपर्यंत पूर्ण होईल. जिल्ह्यात अतिवृष्टी आणि दुष्काळामुळे शेतीचे ७३४ कोटी रुपयांचे नुकसान झाल्याचा अंदाज आहे. आतापर्यंत मिळालेल्या निधीव्यतिरिक्त उर्वरित रक्कमही शेतकऱ्यांना दिली जाणार असल्याचे प्रशासनाने सांगितले. महसूल विभागाच्या अहवालानुसार, अमरावती तालुक्यातील ३१ हजार ३३२, भातकुलीतील २९ हजार ८२०, धामणगाव रेल्वेतील ३४ हजार २९९, अचलपूरमधील ४४ हजार ४९८, दर्यापूरमधील ४९ हजार ३९७, अंजनगाव सुर्जीतील ४० हजार ८७८ आणि चिखलदरातील १२ हजार ३५३ शेतकऱ्यांची पडताळणी पूर्ण झाली आहे. जिल्हाधिकारी आशिष येरेकर यांनी सांगितले की, जिल्ह्यातील काम जवळपास ९५ टक्के पूर्ण झाले आहे. गुरुवारी सायंकाळपर्यंत उर्वरित शेतकऱ्यांची पडताळणीही पूर्ण होईल. पडताळणी झालेल्या शेतकऱ्यांच्या खात्यात प्रत्येकी ५ हजार रुपये जमा होणे सुरू झाले आहे.
Source link
4.63 लाख शेतकऱ्यांची पडताळणी पूर्ण:अमरावती जिल्ह्यातील शेतकऱ्यांच्या खात्यात 5 हजार रुपयांचे अग्रीम अनुदान जमा होण्यास सुरुवात
