केंद्रीय माध्यमिक शिक्षण मंडळाने (CBSE) शैक्षणिक वर्ष 2026-27 मधील इयत्ता दहावी आणि बारावीच्या बोर्ड परीक्षांचे अधिकृत वेळापत्रक जाहीर केले आहे. या वेळापत्रकानुसार, यंदा दोन्ही वर्गांच्या परीक्षा 16 फेब्रुवारी 2027 (मंगळवार) पासून सुरू होणार आहेत. दर
.
विद्यार्थ्यांना अभ्यासासाठी पुरेसा वेळ मिळावा आणि त्यांना स्वतःच्या अभ्यासाचे योग्य नियोजन करता यावे, या उद्देशाने बोर्डाने परीक्षा सुरू होण्याच्या तब्बल 101 दिवस आधीच ही डेटशीट प्रसिद्ध केली आहे. लवकर वेळापत्रक मिळाल्यामुळे विद्यार्थ्यांवरील ऐनवेळचा ताण कमी होण्यास मोठी मदत होणार आहे.
46 लाखांहून अधिक विद्यार्थ्यांची नोंदणी
यंदा इयत्ता दहावीच्या परीक्षेत 83 विषयांचे, तर बारावीच्या परीक्षेत 121 विषयांचे विद्यार्थी सहभागी होणार आहेत. या परीक्षांसाठी देश-विदेशातून दहावीचे 26.5 लाखांहून अधिक आणि बारावीचे 19.8 लाखांहून अधिक, असे एकूण 46 लाखांपेक्षा जास्त विद्यार्थी नोंदणीकृत आहेत. या सर्व परीक्षा सकाळी 10:30 वाजता सुरू होतील.
दोन पेपर्समध्ये सुट्ट्या आणि विद्यार्थ्यांना आवाहन
वेळापत्रक तयार करताना दोन महत्त्वाच्या पेपर्समध्ये विद्यार्थ्यांच्या सोयीसाठी योग्य अंतर (गॅप) ठेवण्यात आले आहे. तसेच, दोन वैकल्पिक विषयांचे पेपर एकाच दिवशी येऊ नयेत, याचीही विशेष काळजी घेण्यात आली आहे. विद्यार्थ्यांची संख्या आणि क्षमता पाहूनच परीक्षा केंद्रांची निवड केली जाणार असून, विद्यार्थ्यांनी कोणतेही दडपण न घेता चांगला अभ्यास करून उत्तम गुण मिळवावेत, असे आवाहन करण्यात आले आहे.
