जम्मू-काश्मीरमध्ये 2 पोलीस जवान बेपत्ता:दोघांचे मोबाईलही बंद, आर्मी पेट्रोलिंग टीमसोबत होते; परिसरात गोळीबाराचाही आवाज ऐकू आला

जम्मू-काश्मीरमधील किश्तवाड येथे बुधवारी दुपारपासून 2 स्पेशल पोलिस ऑफिसर (SPO) बेपत्ता आहेत. दोघेही किश्तवाडच्या दुर्गम दच्छन-मरवाह भागात लष्कराच्या पेट्रोलिंग टीमसोबत होते. सूत्रांनी दैनिक भास्करला सांगितले की, दोघेही ढेरना पोस्टच्या दिशेने जात होते. बेपत्ता होण्यापूर्वी त्यांचे मोबाइल फोन सुरू होते, मात्र त्यानंतर ते स्विच ऑफ झाले. दरम्यान, ही घटना घडली त्याच वेळी परिसरात गोळीबाराचा आवाजही ऐकू आला. घटनेनंतर पोलिस आणि सुरक्षा दलांनी दोन्ही SPOचा शोध घेण्यासाठी संयुक्त ऑपरेशन सुरू केले आहे. SPO बेपत्ता झाले, त्याच वेळी एअरटेल नेटवर्कमध्ये व्यत्यय दोन्ही SPO बेपत्ता होत असताना याच परिसरातील एअरटेल नेटवर्क सेवा बाधित झाल्याची माहितीही समोर आली आहे. एअरटेल कंपनीने याच वर्षी 10 मार्च रोजी मरवाह परिसरात प्रथमच मोबाइल नेटवर्क सेवा सुरू करण्याची घोषणा केली होती. ऑक्टोबरमध्ये बेपत्ता SPOचा मृतदेह सापडला होता 15 ऑक्टोबर 2026 रोजी SPO बशीर अहमद किश्तवाडमधील त्रिगाम येथील पोलिस पिकेटमधून सर्व्हिस रायफलसह बेपत्ता झाले होते. त्याच्या दुसऱ्या दिवशी, 16 ऑक्टोबर रोजी त्यांचा मृतदेह त्रिगामच्या जंगलात एका नाल्याजवळील खड्ड्यात पुरलेला आढळला. 19 ऑक्टोबर रोजी पोलिसांनी या हत्येप्रकरणी दोन आरोपींना अटक केली होती.



Source link