नांदेड जिल्ह्यातील किनवट तालुक्यात गांजाची बेकायदेशीर लागवड केल्याचा प्रकार उघडकीस आला आहे. सिंगारवाडी येथील एका शेतात गांजाची झाडे लावण्यात आल्याची गोपनीय माहिती मिळाल्यानंतर किनवट पोलिसांनी अचानक छापा टाकला. या कारवाईत तब्बल 18 किलो 480 ग्रॅम वजनाची गांजाची झाडे जप्त करण्यात आली असून, त्यांची बाजारातील किंमत 9 लाख 24 हजार रुपये असल्याचे पोलिसांनी सांगितले. या प्रकरणी शेतमालकाविरुद्ध एनडीपीएस कायद्यान्वये गुन्हा दाखल करण्यात आला आहे. गोपनीय माहितीच्या आधारे पोलिसांचा छापा किनवट तालुक्यातील सिंगारवाडी परिसरात एका शेतात गांजाची बेकायदेशीर लागवड करण्यात आल्याची माहिती पोलिसांना मिळाली होती. सिंगारवाडी येथील शेतगट क्रमांक 42 मध्ये गांजाची झाडे लावण्यात आल्याची गोपनीय माहिती मिळताच पोलिसांनी या प्रकरणाची दखल घेत कारवाईचे नियोजन केले. त्यानुसार शुक्रवारी (दि. 13) सायंकाळी 6:45 वाजण्याच्या सुमारास पोलिसांनी संबंधित शेतात अचानक छापा टाकला. 18 किलो 480 ग्रॅम गांजाची झाडे जप्त पोलिसांनी शेताची पाहणी केली असता तेथे गांजाची झाडे लावण्यात आल्याचे आढळून आले. त्यानंतर पंचांच्या उपस्थितीत पोलिसांनी गांजाची झाडे जप्त केली. या कारवाईत एकूण 18 किलो 480 ग्रॅम वजनाची गांजाची झाडे हस्तगत करण्यात आली. जप्त करण्यात आलेल्या मुद्देमालाची किंमत 9 लाख 24 हजार रुपये असल्याचे पोलिसांनी स्पष्ट केले. शेतीच्या आडोशाने गांजाची लागवड केली जात असल्याचे या कारवाईतून समोर आले आहे. शेतमालकाविरुद्ध एनडीपीएस कायद्यान्वये गुन्हा या प्रकरणी शेतमालक दत्ता खंडू जाधव (वय 35, रा. सिंगारवाडी, ता. किनवट) यांच्याविरुद्ध किनवट पोलीस ठाण्यात गुन्हा दाखल करण्यात आला आहे. गुन्हा क्रमांक 335/2026 अन्वये एनडीपीएस कायद्याच्या कलम 8 (ब) आणि 20 (अ) (ii) नुसार कारवाई करण्यात आली आहे. स्थानिक गुन्हे शाखेचे पोलीस उपनिरीक्षक माधव नामदेव केंद्रे यांनी याप्रकरणी फिर्याद दिली आहे. पोलीस निरीक्षकांच्या मार्गदर्शनाखाली कारवाई पोलीस निरीक्षक जगदीश मंडलवार यांच्या मार्गदर्शनाखाली ही कारवाई करण्यात आली. या प्रकरणाचा पुढील तपासही पोलीस निरीक्षक मंडलवार करीत आहेत. दरम्यान, सिंगारवाडी येथील शेतात गांजाची लागवड होत असल्याचा प्रकार उघडकीस आल्याने परिसरात खळबळ उडाली आहे. पोलिसांच्या या कारवाईमुळे अवैध अमली पदार्थांच्या लागवडीचा मुद्दा पुन्हा एकदा चर्चेत आला आहे. हेही वाचा…. ‘तटकरेंचा राजकारणात पुन्हा जन्म होणार नाही’:महेंद्र दळवींचा सुनील तटकरेंवर घणाघात, भरत गोगावलेंना दिला सल्ला रायगड जिल्ह्यात शिवसेना (शिंदे गट) आणि राष्ट्रवादी काँग्रेसमधील राजकीय संघर्ष पुन्हा एकदा उफाळून आला आहे. माणगाव येथे झालेल्या पक्षप्रवेश सोहळ्यात शिवसेनेचे आमदार महेंद्र दळवी यांनी राष्ट्रवादी काँग्रेसचे प्रदेशाध्यक्ष आणि खासदार सुनील तटकरे यांच्यावर अत्यंत बोचऱ्या शब्दांत टीका केली. ‘येणाऱ्या काही दिवसांत राष्ट्रवादीची ब्याद राष्ट्रवादीतून बाहेर पडणार आहे. मात्र, बाहेर पडल्यास त्यांना शिवसेनेत घेऊ नका,’ असा सल्लाच त्यांनी मंत्री भरत गोगावले यांना दिला. दळवी यांच्या या विधानामुळे रायगडमधील राजकीय वातावरण तापण्याची शक्यता आहे. सविस्तर वाचा….
Source link
सिंगारवाडीत शेतात गांजाची लागवड:9 लाख 24 हजारांचा मुद्देमाल जप्त, किनवट पोलिसांची धडक कारवाई
