Assets worth Rs 53 crore of former Assam DIG seized, assets worth Rs 79 crore against income of Rs 7.23 crore

ईडीने उत्पन्नापेक्षा अधिक संपत्तीशी संबंधित मनी लॉन्ड्रिंग प्रकरणात आसाम पोलिसांचे माजी डीआयजी आणि निवृत्त आयपीएस अधिकारी प्रशांत कुमार दत्ता यांची ५३.२८ कोटी रुपयांची संपत्ती जप्त केली आहे.

यात गुवाहाटीतील ४ हॉटेल्स आणि मुंबईच्या अंधेरी वेस्ट येथील ‘समर्थ दीप’ मधील २ फ्लॅट्सचा समावेश आहे. दत्ता २०१९ मध्ये आसाम पोलिसांतून डीआयजी पदावरून निवृत्त झाले होते. ईडीने शनिवारी सांगितले की, हे प्रकरण आसाम अँटी करप्शन अँड व्हिजिलन्स ब्युरोच्या एफआयआरशी संबंधित आहे.

दत्ता यांनी १९९२ ते २०१९ या सेवा काळात आपल्या ज्ञात उत्पन्नापेक्षा कितीतरी अधिक संपत्ती मिळवली, असा आरोप आहे. ईडीच्या माहितीनुसार, दत्ता आणि त्यांच्या पत्नीचे एकूण घोषित उत्पन्न ७.२३ कोटी रुपये होते, तर खर्च ९.०४ कोटी रुपये होता. असे असूनही दोघांकडे ७९ कोटी रुपयांची संपत्ती आढळली.