शासनाच्या पुरस्कारार्थींना सवलतीच्या एसटी प्रवासासाठी नॅशनल कॉमन मोबिलिटी कार्ड (NCMC) मिळवण्यात अडचणी येत आहेत. त्यांच्यासाठी स्वतंत्र व्यवस्था असूनही वेळापत्रक जाहीर नसल्याने अस्वस्थता आहे.
.
सामान्य नागरिकांना कार्ड मिळते, पण पुरस्कारार्थींना तेथून मिळत नाही. दोन दिवसांपूर्वी त्यांना एसटी आगारात बोलावले. मात्र, फक्त समाजभूषण पुरस्कार मिळालेल्यांचीच नोंदणी झाली. इतरांना परत जावे लागले.
१ ऑक्टोबरपासून प्रवास सवलतीसाठी NCMC कार्ड बंधनकारक आहे. सामान्य नागरिक खासगी एजंटांकडूनही कार्ड काढू शकतात. पण पुरस्कारार्थींसाठी फक्त एसटी महामंडळच व्यवस्था करेल. यात पद्म पुरस्कारप्राप्त, पत्रकार, कलावंत, खेळाडूंचा समावेश आहे.
एसटी अधिकाऱ्यांनुसार, सध्या माहिती गोळा करणे सुरू आहे. ती अद्ययावत होईपर्यंत नोंदणी बंद राहील. तोपर्यंत जुन्या मॅन्युअल पासने प्रवास करता येईल. पत्रकार मनोहर सुणे म्हणाले, ५ तास थांबूनही त्यांचे कार्ड बनले नाही. त्यांना ७० किलोमीटर अंतरावरून यावे लागते.
