- Marathi News
- National
- Renowned Heart Surgeon, Padma Bhushan Dr. Ramakant Panda Said – Robots Will Not Be Able To Replace Doctors For Now
भोपाळ1 तासापूर्वी
- कॉपी लिंक
- सतत बसून राहणे आता नवी स्मोकिंग, साखर धोकादायक…
- हार्ट अटॅकपासून वाचायचे असेल तर आनंदी राहा, अजिबात ताण घेऊ नका
- रोज किमान ३० मिनिटे चाला : डॉ. पांडा
‘दोन दशकांत २९-३० वर्षे वयाच्या हृदय रुग्णांत वेगाने वाढ झाली.पैकी ८०% तरुण आयटी, फायनान्ससारख्या कॉर्पोरेट क्षेत्रातील आहेत. ८-१० तास स्क्रीनसमोर बसून राहणे स्मोकिंगइतकेच घातक आहे. रात्रभर जागरण, सिगारेट, जंक फूड तरुणांच्या हृदयाला म्हातारे बनवत आहेत. हार्ट अटॅकपासून वाचण्यासाठी आनंदी राहा, ताण घेऊ नका.’ प्रसिद्ध हार्ट सर्जन, पद्मभूषण डॉ. रमाकांत पांडा यांनी ‘भास्कर’च्या ‘हेल्थकेअर लिजेंड्स’ अवॉर्ड फंक्शनमध्ये ही गोष्ट सांगितली. ‘भास्कर’चे स्टेट एडिटर सतीश सिंह यांच्यासोबतच्या टॉक शोमध्ये डॉ. पांडा यांनी वैद्यकीय व्यवसायावर एआयचा परिणाम, तरुणांमध्ये वाढणाऱ्या हार्ट अटॅकवर मनमोकळा संवाद साधला…
खरा शत्रू तूप नाही, साखर, प्रोसेस्ड फूड: खरा धोका प्रोसेस्ड फूड व जास्त साखरेपासून आहे. आपले पूर्वज रोज सकाळी शेतात २० किमीपर्यंत पायी जात, ते वाटीभर तूपही पचवत असत. आज आपण चालणेच सोडून दिले आहे. मर्यादित तूप हानिकारक नाही, पण आजचा तरुण कोल्ड ड्रिंक्स, चहा आणि मिठाईतून एका दिवसात एवढी साखर खातो, जेवढी जुने लोक महिनाभरात खात असत.
एआय उपचार बदलेल, पण डॉक्टरांची जागा घेणे सोपे नाही : भविष्यात एआय डॉक्टरांना रिप्लेस करेल, या इलॉन मस्क यांच्या विधानावर डॉ. पांडा म्हणाले, एआय उपचारपद्धत बदलण्यास आले आहे. सध्या रुग्ण तेव्हा रुग्णालयात पोहोचतो, जेव्हा आजार वाढतो. भविष्यात शरीर स्वतःच आधी सांगेल की दोन दिवसांनी अटॅक येणार आहे. भविष्यात सेन्सर, एआय, क्वांटम कंप्युटिंग मिळून अशी सिस्टिम बनवतील, ज्यात रुग्ण घरीच राहील व मशिन्स प्रत्येक सेकंदाचा हेल्थ रिपोर्ट वाचत राहतील. कार्डिओलॉजीमध्येही मोठे बदल होतील. मात्र, रोबोट अजून डॉक्टरांचे डोके बनू शकत नाही. डॉक्टर मुंबईत बसून भोपाळमध्ये ऑपरेशन करू शकतात, पण निर्णय अद्यापही माणूसच घेतो.
कोरोना नाही… तुमची खराब लाइफस्टाइल देत आहे हार्ट अटॅक
सोशल मीडियावर जिम किंवा डान्स करताना अचानक होणाऱ्या मृत्यूंना कोरोना लशीशी जोडण्याच्या प्रश्नावर डॉ. पांडा म्हणाले- ‘आयसीएमआरच्या संशोधनात कोरोना आणि आकस्मिक मृत्यूचा थेट संबंध सिद्ध झालेला नाही. कोरोनादरम्यान शरीरात काही महिन्यांपर्यंत सूज राहते, ज्यामुळे ब्लॉकेजचा धोका वाढू शकतो. पण दोन वर्षांनंतर येणाऱ्या हार्ट अटॅकचे मुख्य कारण खराब लाइफस्टाइल आहे.’
रात्रीच्या नोकरीच्या प्रश्नावर डॉ. पांडा म्हणाले- ‘कामामुळे एक सवय बिघडत असेल, तर बाकीच्या चांगल्या सवयींना अधिक मजबूत करणे गरजेचे आहे.’
निरोगी राहण्याचे गोल्डन रुल
1. व्यायाम: दररोज ३० मिनिटे चालणे, अल्टरनेट डेज वेट ट्रेनिंग, मेटाबॉलिझम सुधारेल. 2. स्ट्रेस मॅनेजमेंट : नियमित योग, ध्यानाने फील गुड हार्मोन्स रिलीज होतील, कॉर्टिसोल घटेल. 3. नॅचरल डाएट : नो पॅक्ड/प्रोसेस्ड फूड, नो स्वीट्स, शेतातून थेट स्वयंपाकघरात आलेले अन्नच आजारांपासून वाचवेल. 4. स्लीप हायजीन : रात्री १० च्या आधी झोपा, ८ तास झोप घ्या, झोपेपूर्वी १ तास ‘डिजिटल डिटॉक्स’ (नो मोबाईल) करा.
