The narrative of saving the accused is sad

मध्य प्रदेशची राजधानी भोपाल येथील निवृत्त जिल्हा न्यायाधीश गिरिबाला सिंह यांच्या सून ट्विशा शर्मा यांच्या मृत्युप्रकरणी सोमवारी भोपाळपासून दिल्लीपर्यंत सुनावण्यांची मालिका सुरू होती. भोपाळमध्ये जिल्हा न्यायालय, जबलपूरमध्ये उच्च न्यायालय आणि दिल्लीमध्ये सर्वोच्च न्यायालयाने या प्रकरणाशी संबंधित वेगवेगळ्या याचिकांवर सुनावणी घेतली. न्यायिक इतिहासात कदाचित प्रथमच एका व्यक्तीशी संबंधित प्रकरणांची विविध न्यायालयांत एकाचवेळी सुनावणी झाली.

सर्वोच्च न्यायालय म्हणाले, या प्रकरणात आरोपी पक्ष न्यायव्यवस्थेशी संबंधित असल्याने निष्पक्ष तपास किंवा खटला होऊ शकणार नाही, असे नरेटिव्ह तयार केले जात होते. ही “वेदनादायक धारणा” दूर करण्यासाठी आणि निष्पक्ष तपास निश्चित करण्यासाठी सर्वोच्च न्यायालयाने स्वतःहून या प्रकरणाची दखल घेतली. न्यायमूर्ती सूर्यकांत आणि न्यायमूर्ती जॉयमाल्या बागची यांच्या खंडपीठाने या प्रकरणाची मीडिया ट्रायल थांबवण्याचे निर्देश दिले. ट्विशाच्या कुटुंबीयांनी तसेच आरोपी पती समर्थ सिंह, आई गिरिबाला सिंह यांनी सार्वजनिक वक्तव्ये टाळावीत. काही सांगायचे असेल ते तपास यंत्रणेसमोर सांगा, माध्यमांच्या मंचावर नाही, असे कोर्टाने सांगितले.

मृताविरोधात माध्यमांत वक्तव्ये : राज्य सरकार

सॉलिसिटर जनरल तुषार मेहता यांनी सर्वोच्च न्यायालयाला सांगितले की, गिरिबाला सिंह माध्यमांमध्ये जाऊन मृत महिलेविरोधात विधाने करत आहेत आणि तपासात सहकार्य करत नाहीत. दुसरीकडे, ट्विशाच्या कुटुंबीयांतर्फे बाजू मांडणारे वरिष्ठ वकील सिद्धार्थ लुथरा यांनी एफआयआर नोंदवण्यात झालेल्या कथित विलंबावर आणि प्राथमिक तपास प्रक्रियेवर प्रश्न उपस्थित केले. मात्र सर्वोच्च न्यायालयाने स्पष्ट केले की, ते तपासाच्या गुणवत्तेबाबत कोणतेही मत व्यक्त करत नाही आणि तपास यंत्रणेला स्वतंत्रपणे तपास पूर्ण करू दिला जाईल.

ट्विशा शर्मा मृत्यूचे गूढ

तसेच आरोपी पती समर्थ सिंह, आई गिरिबाला सिंह यांनी सार्वजनिक वक्तव्ये टाळावीत. काही सांगायचे असेल ते तपास यंत्रणेसमोर सांगा, माध्यमांच्या मंचावर नाही, असे कोर्टाने सांगितले.