यूपीआय (UPI) व्यवहारांवर शुल्क आकारण्याचा निर्णय दिवाळीपर्यंत पुढे ढकलण्यात आला आहे. हे शुल्क मूळतः १५ ऑक्टोबरपासून लागू होणार होते आणि त्यात २,००० रुपयांपेक्षा जास्त रकमेच्या यूपीआय व्यवहारांवर ०.४% शुल्क आकारण्याची तरतूद होती. सण-उत्सवांचा काळ लक्षात घेऊन ‘नॅशनल पेमेंट्स कॉर्पोरेशन ऑफ इंडिया’ने (NPCI) हा निर्णय पुढे ढकलला. एनपीसीआयने स्पष्ट केले की, दिवाळीनंतर हे शुल्क लागू केले जाईल; मात्र, त्यासाठी अद्याप कोणतीही निश्चित तारीख जाहीर करण्यात आलेली नाही. मर्चंट डिस्काउंट रेट म्हणजे काय? मर्चंट डिस्काउंट रेट म्हणजेच MDR. व्यापारी किंवा दुकानदार डेबिट/क्रेडिट कार्ड किंवा डिजिटल पेमेंट (UPI) सुविधा, म्हणजेच पॉइंट ऑफ सेल मशीन किंवा पेमेंट गेटवेचा वापर करण्याच्या बदल्यात बँका आणि पेमेंट सेवा पुरवठादारांना जे शुल्क देतो, त्याला MDR म्हणतात. डिजिटल पायाभूत सुविधा आणि ट्रान्सफर नेटवर्क सुरळीतपणे चालवण्याचा खर्च भरून काढण्यासाठी हे शुल्क आकारले जाते. हे शुल्क व्यापाऱ्याला द्यावे लागते, ग्राहकाला नाही.
Source link
दिवाळीपर्यंत UPI व्यापारी व्यवहारांवर शुल्क आकारले जाणार नाही:15 ऑक्टोबरपासून लागू होणार होते 0.4% शुल्क; सणासुदीचा काळ लक्षात घेऊन निर्णय
