लग्नसोहळा सुरू असतानाच नवरदेवाची पहिली पत्नी कुटुंबीयांसह थेट मंडपात पोहोचली आणि त्यानंतर एकच गोंधळ उडाला. पहिल्या पत्नीने नवरदेवाला जाब विचारत मारहाण केल्याने लग्नासाठी जमलेल्या वऱ्हाडी मंडळींमध्ये खळबळ उडाली. एखाद्या चित्रपटातील प्रसंगाला साजेशी ही घटना नाशिकमध्ये घडली आहे. तौसिफ मनियार या तरुणाचे यापूर्वी लग्न झालेले असतानाही त्याने दुसरे लग्न केल्याचा आरोप आहे. या प्रकरणामुळे लग्नसोहळ्यात तणावाचे वातावरण निर्माण झाले असून, प्रकरण थेट इंदिरानगर पोलीस ठाण्यापर्यंत पोहोचले आहे. पहिल्या पत्नीला माहिती मिळताच लग्नमंडपात धडक मिळालेल्या माहितीनुसार, तौसिफ मनियार याचे यापूर्वी मुस्लिम धर्मानुसार लग्न झाले होते. त्याला 8 ते 10 वर्षांचा मुलगाही आहे. पहिल्या पत्नीशी घटस्फोट झालेला नसताना आणि त्यांच्यातील प्रकरण न्यायप्रविष्ट असतानाही तौसिफने दुसरे लग्न केल्याचा आरोप करण्यात आला आहे. विशेष म्हणजे, त्याने दुसरे लग्न हिंदू विवाहपद्धतीनुसार केल्याचे समोर आले आहे. तौसिफच्या दुसऱ्या लग्नाची माहिती पहिल्या पत्नीला मिळाली. त्यानंतर तिने कुटुंबीयांसह लग्नस्थळी धाव घेतली. लग्नसोहळा सुरू असतानाच पहिली पत्नी तिथे पोहोचल्याने उपस्थितांना नेमके काय घडत आहे, याचा अंदाज आला नाही. मात्र, पहिल्या पत्नीने पतीला जाब विचारण्यास सुरुवात केल्यानंतर परिस्थिती चिघळली. पतीने दुसरे लग्न केल्याच्या रागातून पहिल्या पत्नीने त्याला मारहाण केल्याचे सांगितले जात आहे. अचानक घडलेल्या या प्रकारामुळे लग्नासाठी उपस्थित असलेल्या वऱ्हाडी मंडळींची तारांबळ उडाली. आनंदाचे वातावरण असलेल्या लग्नसोहळ्यात काही वेळातच तणाव निर्माण झाला. या घटनेची चर्चा परिसरात सुरू झाली आहे. घटस्फोट झाला नसल्याचा पहिल्या पत्नीचा आरोप तौसिफचे पहिले लग्न झालेले असूनही त्याने घटस्फोट घेतलेला नाही. पहिल्या पत्नीशी संबंधित प्रकरण न्यायालयात सुरू असतानाच त्याने दुसरे लग्न केल्याचा आरोप पहिल्या पत्नीने केला आहे. तसेच, पहिल्या लग्नाबाबतची माहिती तौसिफने दुसऱ्या पत्नीपासून लपवून ठेवल्याचेही तिने म्हटले आहे. या आरोपांमुळे प्रकरणाला वेगळे वळण मिळाले आहे. दुसऱ्या पत्नीला पहिल्या लग्नाची माहिती होती की नाही, तसेच तौसिफने विवाहासंदर्भातील कोणती माहिती लपवली होती का, याबाबत चौकशीतून स्पष्टता येण्याची शक्यता आहे. मात्र, दुसऱ्या पत्नीने या प्रकरणात अद्याप पोलिसांकडे कोणतीही तक्रार दाखल केलेली नसल्याची माहिती समोर आली आहे. इंदिरानगर पोलिसांकडून चौकशी सुरू या घटनेनंतर इंदिरानगर पोलीस ठाण्यात तक्रार दाखल करण्यात आली आहे. पोलिसांनी या प्रकरणाची दखल घेत संबंधित दोघांनाही चौकशीसाठी बोलावले आहे. मात्र, मानसिक स्थिती ठीक नसल्याचे कारण देत दुसऱ्या पत्नीने अद्याप पोलीस ठाण्यात हजेरी लावलेली नसल्याची माहिती पोलिसांकडून देण्यात आली. इंदिरानगर पोलीस ठाण्याचे पोलीस उपनिरीक्षक जनक सिंग गुणावत यांनी या प्रकरणात चौकशी सुरू असल्याचे सांगितले. पहिल्या पत्नीचे आरोप, दुसऱ्या विवाहाची पार्श्वभूमी आणि संबंधित व्यक्तींच्या जबाबांमधून या प्रकरणातील वस्तुस्थिती स्पष्ट होणार आहे. दरम्यान, पहिल्या पत्नीशी घटस्फोट न घेता दुसरे लग्न केल्याच्या आरोपामुळे या घटनेची चर्चा सुरू झाली आहे. पोलिसांच्या तपासातून नेमकी कोणती माहिती समोर येते आणि या प्रकरणात पुढे काय कारवाई होते, याकडे लक्ष लागले आहे. हेही वाचा… ‘जंगल तोडणारे तुम्हीच महाराष्ट्रद्रोही’:आदित्य ठाकरेंचा मुख्यमंत्र्यांवर हल्लाबोल, कर्जतच्या प्रकल्पाला विरोध कायम रायगड जिल्ह्यातील कर्जत तालुक्यात प्रस्तावित टोरेंट पॉवर कंपनीच्या जलविद्युत ऊर्जा साठवण प्रकल्पावरून राजकीय वातावरण तापले आहे. या प्रकल्पाच्या मुद्द्यावरून शिवसेना (उद्धव बाळासाहेब ठाकरे) पक्षाचे नेते आदित्य ठाकरे यांनी मुख्यमंत्री देवेंद्र फडणवीस यांच्यावर जोरदार टीका केली. ‘महाराष्ट्राची जंगलं नष्ट करणारे आणि आदिवासी पाडे उद्ध्वस्त करणारे तुम्हीच महाराष्ट्रद्रोही आहात,’ अशा शब्दांत त्यांनी मुख्यमंत्र्यांना लक्ष्य केले. विकासाला आमचा विरोध नाही; मात्र महाराष्ट्रातील जंगलांचा विनाश करून आणि स्थानिकांना विस्थापित करून विकास होऊ देणार नाही, अशी भूमिका त्यांनी स्पष्ट केली. या वेळी खासदार संजय राऊत यांनीही पर्यावरणाच्या मुद्द्यावरून सरकारवर निशाणा साधला. सविस्तर वाचा…
Source link
नवरदेवाच्या पहिल्या पत्नीची लग्नसोहळ्यात एन्ट्री:पतीला चोप, नाशिकमध्ये लग्नमंडपात हायव्होल्टेज ड्रामा
