नाशिक जिल्ह्यात भूकंपाच्या धक्क्यांचे सत्र कायम असून गुरुवारी (३० जुलै) दोन भूकंपाचे धक्के बसले. पहिला धक्का पहाटे २.३७ वाजून ४१ सेकंदांनी ३.८ रिश्टर तीव्रतेचा होता. तर दुसरा धक्का सायंकाळी ५ वाजून ५८ मिनिटांनी जाणवला. याची तीव्रता ३.१ रिश्चर स्केल होती. जिल्ह्यात गत ६ दिवसात एकुण १० वेळा भूकंपाचे धक्के जाणवल्याने नागरिक घाबरले आहेत. गुरुवारच्या भूकंपाचा केंद्रबिंदू सुरगाणा तालुक्यात मानूर येथे : जमिनी खाली ८ किलाेमीटरवर होता. २५ जुलैपासून नाशिक जिल्ह्यात सुरू झालेल्या भूकंपमालिकेतील हा सलग १० वा धक्का ठरला आहे. तत्पूर्वी गुरुवारी पहाटे झालेल्या भूकंपाचे केंद्र सुरगाणा तालुक्यातील बोरगाव, भोरमाळ आणि कोठुळा परिसरात असल्याचा अंदाज आहे. या भागासह दिंडोरी तालुक्यातील काही गावांमध्येही सौम्य धक्के जाणवल्याची माहिती समोर आली.
Source link
नाशिकमध्ये गुरुवारी दोनदा भूकंपाचे धक्के:6 दिवसांत 10 वा हादरा बसला; सुरगाणा तालुक्यात भूकंपाचे केंद्र
