नोएडामध्ये यमुना एक्स्प्रेस-वेवर खासगी स्लीपर एसी बसला आग लागली. या दुर्घटनेत 9 जण जिवंत जळाले. बसमध्ये 35 प्रवासी होते. अनेक प्रवाशांनी खिडकीतून उडी मारून आपला जीव वाचवला. ही दुर्घटना बुधवारी रात्री 12 वाजता घडली. बस नोएडाहून महोबाला जात होती. ही बस राज कल्पना ट्रॅव्हल्सची आहे. दुर्घटनेची माहिती मिळताच अग्निशमन दलाच्या 5 गाड्या घटनास्थळी पोहोचल्या. 45 मिनिटांत आग आटोक्यात आणण्यात आली. मात्र, तोपर्यंत बस पूर्णपणे जळून खाक झाली होती. प्रवासी म्हणाली- आत धूर भरला होता, अनेक जण बसच्या आतच अडकून राहिले रिंकी राजपूत यांनी सांगितले- मी नोएडाहून बसमध्ये बसले होते. मी झोपले होते. कोणीतरी मला उठवून सांगितले की, बसला आग लागली आहे. बसमध्ये गोंधळ उडाला होता. सर्वजण एकमेकांना धक्काबुक्की करत होते. आत धूर भरला होता आणि सर्वांचा श्वास कोंडत होता. चालक जिथे बसला होता, तिथूनच आग लागली होती. अनेक लोक बसच्या आतच अडकून राहिले होते.
Source link
नोएडामध्ये एसी बसला आग लागली, 9 जण जिवंत जळाले:यमुना एक्सप्रेसवेवर अपघात, 35 प्रवाशांना घेऊन महोबाला जात होती बस
