पुढील वर्षापर्यंत विद्यार्थी पाठशाळा सभागृहाचे बांधकाम पूर्णत्वास:आमदार प्रकाश भारसाकळे यांचे प्रतिपादन; विद्यार्थ्यांची ऊर्जा प्रेरणादायी

श्री संत वासुदेव महाराज सर्वांगीण विकास बालसंस्कार शिबिरातील विद्यार्थ्यांच्या प्रात्यक्षिकातून बघायला मिळालेली ज्ञान संपादणूक अतिशय आनंद देणारी व अभिनंदनीय आहे. हे विद्यार्थी म्हणजे देशाचे उज्वल भविष्य आहेत. या विद्यार्थ्यांच्या निवासासाठी गतवर्षी भूमिपूजन झालेल्या विद्यार्थी पाठशाळेच्या वास्तूची उभारणी पुढील वर्षापर्यंत निश्चित पूर्णत्वास जाईल, असा विश्वास आमदार प्रकाश भारसाकळे यांनी व्यक्त केला. शासकीय प्रक्रियेमुळे या कार्याला विलंब होत असला तरी आता मात्र या कामाची अधिक प्रतीक्षा करावी लागणार नाही. याकरिता मी सर्वतोपरी कटिबध्द आहे, असेही ते यावेळी म्हणाले. श्री संत वासुदेव महाराज ज्ञानपीठ संस्था, आकोट द्वारा आयोजित श्री क्षेत्र श्रद्धासागर येथील बालसंस्कार शिबिराच्या समारोपीय कार्यक्रमात ते बोलत होते. उपस्थित मान्यवरांनी सुद्धा माणूस घडवण्यासाठी एआय सारख्या तंत्रज्ञानाची नव्हे तर सुसंस्कारांची गरज आहे. १४ ते ३५ वयोगटाच्या खूप जास्त आत्महत्या होत आहेत. ही चिंतेची बाब आहे. संस्कार रुजविण्याचे आणि संस्कृती रक्षणाचे काम या बालसंस्कार शिबिरातूनच घडते. सद्गुरु श्री संत वासुदेव महाराजांच्या विचाराची धुरा श्री संस्था सांभळत आहे, याबाबत उपस्थितांनी गौरवोद्गार काढले. समारोपासाठी सुभाष महाराज काळे, साहेबराव पखान, शिक्षण तज्ज्ञ प्रभातचे डॉ. गजाननराव नारे, सचिन बुरघाटे, डॉ. दिलीप काळे, राजेश नागमते, ज्ञानेशप्रसाद महाराज पाटील, अतुल महाराज बोर्डे, विवेक कांबे, अजाबराव वहिले, सागर महाराज परिहार, विष्णु महाराज गावंडे, आदींची प्रमुख उपस्थिती होती. तसेच श्री संस्थेच्या विश्वस्त मंडळाचे बाबाराव बिहाडे, महादेवराव ठाकरे, पुरुषोत्तम लाजूरकर, रवींद्र वानखडे, मोहनराव जायले, अविनाश गावंडे, डॉ. अशोकराव बिहाडे, जयदीप सोनखासकर, अशोकराव पाचडे, नंदकिशोर हिंगणकर, अॅड शिरीष ढवळे, पुरुषोत्तम मोहोकार, अनिल कोरपे, गजाननराव दुधाट, केशवप्रसाद राठी, त्याचप्रमाणे प्रा. साहेबराव मंगळे, मधुकरराव पुंडकर, जयकृष्ण वाकोडे, प्रकाशराव साबळे, महेंद्र शेलकर, सुरेंद्र चिकटे, अनिल गोंडचर, राजेश कुलट, अमोल डोंगरे यांसह अध्यापक मंडळी तथा बहुसंख्येने पालक उपस्थित होते. कार्यक्रमाचे सूत्र संचालन उमेश महाराज मोहोकार यांनी केले. प्रास्ताविक आणि प्रात्यक्षिक अंबादास महाराज मानकर, राम महाराज गाढे, ज्ञानेश्वर माऊली डांगरे यांनी सादर केले. आभार रविंद्र वानखडे यांनी मानले.



Source link