पवित्र पोर्टल शिक्षक भरती अंतर्गत, अमरावतीमध्ये 190 नवीन शिक्षण सेवकांना गुरुवारी, 10 सप्टेंबर रोजी पदस्थापना आणि नियुक्ती आदेश देण्यात आले. मुख्य कार्यकारी अधिकारी (सीईओ) सत्यम गांधी यांच्या उपस्थितीत ही प्रक्रिया अत्यंत पारदर्शकपणे पार पडली. ही भरती मेळघाटमधील पेसा क्षेत्रासाठी करण्यात आली आहे. यात पेसा क्षेत्रासाठी मराठी माध्यम आणि सर्वसाधारण क्षेत्रासाठी उर्दू माध्यमातील पात्र उमेदवारांची निवड करण्यात आली. जिल्हा परिषदेच्या डॉ. पंजाबराव देशमुख सभागृहात ही प्रक्रिया पार पडली. एकूण 191 उमेदवारांपैकी 190 उमेदवार उपस्थित होते. उपस्थित पात्र उमेदवारांना नियमानुसार समुपदेशनाद्वारे पदस्थापना देऊन त्याचवेळी नियुक्ती आदेश देण्यात आले. एक उमेदवार अनुपस्थित होता, तर दोन उमेदवारांनी नकार दिला. मेळघाट पेसा क्षेत्रातील वर्ग 1 ते 5 साठी 54 पैकी 53, वर्ग 6 ते 8 गणित-विज्ञानासाठी 77 पैकी 77 आणि भाषा विषयासाठी 30 पैकी 30 उमेदवार उपस्थित होते. तसेच, सर्वसाधारण क्षेत्रातील उर्दू माध्यमाच्या वर्ग 1 ते 5 मधील 19 आणि वर्ग 6 ते 8 मधील विविध विषयांचे 11 असे सर्व उमेदवार उपस्थित होते. विशेष म्हणजे, पेसा क्षेत्रातील वर्ग 1 ते 5 मधील शेवटच्या उमेदवारालाही मेळघाट क्षेत्रातच पदस्थापना मिळाली. शिक्षणाधिकारी (प्राथमिक) सिद्धेश्वर काळुसे, उपशिक्षणाधिकारी सतीश मुगल, अधीक्षक नरेंद्र गायकवाड, सहाय्यक प्रशासन अधिकारी संजय मुंद्रे, कनिष्ठ प्रशासन अधिकारी पंकज गुल्हाने, विजय कविटकर, वरिष्ठ सहाय्यक विजय राऊत, राहुल काळमेघ, विजय मालोकार, निलेश दहातोंडे, विलास मेंदुकर, सुदर्शन भोसले, कनिष्ठ सहाय्यक विशाल कुळसंगे, अनिकेत हुरडे, संगणक परिचालक अतुल देशमुख, श्याम देशमुख आणि युसुफ शहा यांनी ही प्रक्रिया पूर्णत्वास नेण्यात सहकार्य केले.
Source link
पेसा क्षेत्रात 190 शिक्षकांना नियुक्ती आदेश मिळाले:सुटीच्या दिवशी सीईओंच्या उपस्थितीत पारदर्शकपणे प्रक्रिया पूर्ण, मेळघाटसाठी निवड
