महाराष्ट्र आणि देशाच्या राजकारणात सध्या शरद पवार यांच्या राष्ट्रवादी काँग्रेस पक्षाच्या काँग्रेसमधील संभाव्य विलीनीकरणाची जोरदार चर्चा सुरू आहे. या चर्चेदरम्यान आता रामदास आठवले यांनी शरद पवारांना थेट भाजपसोबत येण्याची मोठी ऑफर दिली आहे. “शरद पवारांनी आपला पक्ष काँग्रेसमध्ये विलीन करू नये, तर त्यांनी आमच्यासोबत यावे,” असे जाहीर निमंत्रण केंद्रीय सामाजिक न्याय राज्यमंत्री आणि आरपीआयचे (RPI) प्रमुख रामदास आठवले यांनी दिले आहे. ते प्रसारमाध्यमांशी बोलत होते. आठवलेंच्या या गुगलीमुळे राजकीय वर्तुळात नव्या समीकरणांची चर्चा रंगली आहे. थेट भाजपमध्ये जायचं नसेल तर आरपीआयमध्ये या
रामदास आठवले यांनी आपल्या खास शैलीत शरद पवारांना सूचक सल्ला दिला. ते म्हणाले, शरद पवारांनी काँग्रेसमध्ये जाण्याऐवजी आमच्यासोबत यावे. जर त्यांना थेट भाजपमध्ये जायचे नसेल, तर त्यांनी माझ्या ‘रिपब्लिकन पार्टी ऑफ इंडिया’मध्ये (RPI) सोबत यावे. आम्ही स्वतः त्यांना सन्मानाने भाजपसोबत घेऊन जाऊ. काँग्रेसमध्ये आता दम राहिला नाही- आठवले
काँग्रेस पक्षावर टीका करताना आठवले पुढे म्हणाले, आता काँग्रेसमध्ये आधीसारखा तो दम राहिलेला नाही. नजीकच्या काळात काँग्रेसला चांगले भविष्य दिसेल, अशी सध्यातरी परिस्थिती नाही. त्यामुळे पवारांनी तिथे जाऊ नये, असे आठवले म्हणाले. दरम्यान, आठवलेंच्या या जाहीर ऑफरवर अद्याप पवार गटाकडून कोणतीही अधिकृत प्रतिक्रिया आलेली नाही. आशिष देशमुखांचा खळबळजनक दावा: शरद पवारांना राज्यसभेचे विरोधी पक्षनेते, उद्धव ठाकरेंना काँग्रेस प्रदेशाध्यक्ष पद मिळवून देण्याचा डाव राज्यात काँग्रेसमध्ये संभाव्य विलीनीकरणाच्या चर्चांनी जोर धरला असतानाच भाजप नेते आणि माजी आमदार आशिष देशमुख यांनी एक मोठा राजकीय दावा करून खळबळ उडवून दिली आहे. राष्ट्रवादी काँग्रेस (शरद पवार गट) आणि शिवसेना (उद्धव बाळासाहेब ठाकरे) हे दोन्ही पक्ष काँग्रेसमध्ये विलीन व्हावेत, यासाठी काही नेते प्रयत्नशील असल्याचा आरोप त्यांनी केला. देशमुख यांनी नाव न घेता टीकास्त्र डागत म्हटले की, “बेगानी शादी में अब्दुल्ला दिवाना” अशा भूमिकेतून काही जण महाराष्ट्राच्या राजकारणात विलीनीकरणाचा मुद्दा पुढे आणत आहेत. या संपूर्ण चर्चेमागे शरद पवार आणि उद्धव ठाकरे यांना काँग्रेसमध्ये महत्त्वाची पदे मिळवून देण्याचा डाव असल्याचा आरोपही त्यांनी केला. सविस्तर वाचा
Source link
रामदास आठवलेंची शरद पवारांना थेट ऑफर:म्हणाले- थेट भाजपमध्ये जायचं नसेल तर RPI मध्ये या, मी तुम्हाला सोबत घेऊन जातो
