लंडन दौऱ्यावरून मध्यरात्री दीड वाजता मुंबईत दाखल झालेले उपमुख्यमंत्री एकनाथ शिंदे यांनी सकाळी थेट ‘सह्याद्री’ अतिथीगृह गाठत केंद्रीय गृहमंत्री अमित शाह यांची भेट घेतली. वरवर पाहता ही भेट गणेशोत्सवाच्या निमंत्रणासाठी असल्याचे सांगितले जात असले, तरी बंद दाराआड झालेल्या या गुप्त विचारविनिमयात केंद्र आणि राज्यातील बहुप्रतीक्षित मंत्रिमंडळ विस्तारावर अंतिम शिक्कामोर्तब झाल्याची खात्रीलायक माहिती सूत्रांकडून मिळत आहे. केंद्रीय गृहमंत्री अमित शहा दोन दिवसांच्या मुंबई दौऱ्यावर आले असून, त्यांच्या या दौऱ्यातील पहिलीच भेट उपमुख्यमंत्री एकनाथ शिंदे यांच्यासोबत झाली. शिंदे यांनी शहा यांना ‘नंदनवन’ आणि ठाण्यातील निवासस्थानच्या गणेशोत्सवाचे औपचारिक निमंत्रण दिले. मात्र, राजकीय वर्तुळातील सूत्रांनुसार, या भेटीमागे सत्तावाटपाचा मोठा पट मांडला गेला. राज्यात प्रलंबित असलेला मंत्रिमंडळ विस्तार आणि केंद्रात संभाव्य फेरबदलांमध्ये शिवसेनेला (शिंदे गट) मिळणारे प्रतिनिधित्व यावर दोन्ही नेत्यांमध्ये सखोल विचारमंथन पार पडल्याचे सांगण्यात आले.
Source link
लंडनहून परतताच उपमुख्यमंत्री शिंदेंनी घेतली अमित शहांची भेट:मंत्रिमंडळ विस्तारावर अंतिम शिक्कामोर्तब झाल्याची चर्चा
