लग्न पंगतीसाठी एफडीएची परवानगी बंधनकारक:शात पहिल्यांदाच महाराष्ट्रामध्ये कठाेर नियमावली लागू; केटरर्स परवानाधारकच हवा

.

त्यानुसार राज्यात कोणत्याही प्रकारच्या सामूहिक अन्नवाटप करताना किमान ७ दिवस अगोदर स्थानिक अन्न सुरक्षा अधिकाऱ्यांकडे (पदनिर्देशित अधिकारी) विहित नमुन्यात पूर्वसूचना देऊन परवानगी घेणे बंधनकारक करण्यात आले आहे. एफडीए आयुक्त तुकाराम मुंढेंनी वेळोवेळी स्वतंत्र आदेश काढण्याची पद्धत बंद करून, देशात पहिल्यांदाच ‘सण-उत्सव अंमलबजावणी मार्गदर्शिका’ कायमस्वरूपी लागू केली आहे.

न्यायालयाच्या निर्देशानुसार अन्न विषबाधा रोखण्यासाठी आणि नागरिकांच्या आरोग्याच्या सुरक्षेसाठी हे ठोस पाऊल उचलण्यात आले आहे.

सणांचे त्रिस्तरीय वर्गीकरण

प्रशासनाने सणांची व्याप्ती व जोखीम लक्षात घेऊन त्रिस्तरीय रचना केली आहे:

एफडीएला आठवडाभर आधी कळवा- तुकाराम मुंढे

महाप्रसाद, भंडारा, लंगर, इफ्तार मेजवानी किंवा अन्नछत्रासह सर्व सामूहिक भोजनाचे आयोजन करताना आयोजकांनी किमान आठवडाभर आधी अन्न व औषध प्रशासनाला विहित प्रपत्रात माहिती देणे अनिवार्य आहे. यामुळे प्रत्यक्ष कार्यक्रम सुरू होण्यापूर्वी आमचे अधिकारी घटनास्थळी जाऊन स्वयंपाकाची जागा, पाणी, स्वच्छता आणि अन्न सुरक्षेच्या उपाययोजनांची प्रत्यक्ष तपासणी करू शकतील. अन्नाचा दर्जा राखणे आणि अन्न विषबाधेचा धोका मुळापासून संपवणे हाच यामागील मुख्य उद्देश आहे, असे तुकाराम मुंढे यांनी सांगितले.

सणासुदीत ग्राहकांनी घ्यावयाची खबरदारी अशी

धान्य, तेल खरेदीची बिले लागतील