वडेट्टीवार औरंगजेब फॅन क्लबच्या दाढ्या कुरवळतायत:वारीमध्ये 'अर्बन नक्षल्यांची' घुसखोरी; शरद पवारांनी रिसर्च करावा- नवनाथ बन

विजय वडेट्टीवार यांना प्रत्येक ठिकाणी अल्पसंख्यांकांचे लांगुलचालन करणे ऐवढेच दिसते. कारण काँग्रेसची मदार ही विशिष्ठ धर्मांच्या मतावर अवलंबून आहे, त्यांना असे वाटते राहुल गांधी औरंगजेब फॅन क्लबचे अध्यक्ष आहेत, म्हणून आपण त्यांच्या दाढ्या कुरवळण्याचे काम करावे, त्या दृष्टीतून खरात प्रकरणी विजय वडेट्टीवार यांनी वक्तव्य केले, असे भाजप प्रवक्ते नवनाथ बन यांनी म्हटले आहे. नवनाथ बन म्हणाले की, धर्मांधशक्ती ही वारकरी संप्रदायामध्ये नाही. जे अफजल खान आणि औरंगजेब यांचे वंशावळ आहे ते धर्मांध शक्ती आहेत, त्यांच्याकडे बघा. महाराष्ट्रात लव्ह, लँड आणि वोट जिहाद करण्याचा प्रयत्न धर्मांध शक्तीकडून केला जात आहे, त्यावर शरद पवार काहीही बोलत नाहीत. वारकरी संप्रदायामध्ये कुठेही धर्मांधता नाही. विठ्ठलाची भक्ती करणे याला धर्मांधता म्हणत नाही, तर लँड, लव्ह आणि वोट जिहादला धर्मांधता म्हणतात. अर्बन नक्षलवाद्यांना वारीतून बाहेर काढा नवनाथ बन म्हणाले की, शरद पवार हे ज्येष्ठ नेते आहेत त्यांना चिकित्सा करण्याचा पूर्ण अधिकार आहे. फक्त पवार साहेबांना ऐवढीच विपंती करायची आहे की वारीमध्ये आणि वारकरी संप्रदायमध्ये अर्बन नक्षल्यांची घुसखोरी वाढली होती शरद पवारांनी त्याबद्दल आपल्या टीमला सांगून एकदा रिसर्च केला पाहिजे. त्यांना वारकरी चळवळीतून कसे बाहेर काढायचे याबद्दल आपली भूमिका स्पष्ट केली पाहिजे. वारकरी संप्रदाय भक्ती चळवळ वाढवतो. यामध्ये प्रबोधनाला जास्त महत्त्व असते. अर्बन नक्षल्याच्या विरोधात शरद पवार भूमिका घेत त्यांची आकडेवारी समोर आणणार का? असा सवालही बन यांनी केला आहे. खरातचा धर्म महत्त्वाचा नाही नवनाथ बन म्हणाले की, अशोक खरात कोणत्या धर्माचा आहे हे महत्त्वाचे नाही. त्याला शिक्षा करण्याचे काम कुणी केले. काँग्रेसचे सरकार असते तर अशा खरातच्या विरोधात कारवाई करण्याची हिंमत वडेट्टीवारांची झाली नसती. देवाभाऊंचे सरकार आहे म्हणून हे सर्व सुरू आहे. मविआचे सरकार असते तर कारवाई झाली नसती. तुम्ही केवळ हिरव्याचे लांगुनचालन करता. अशोक खरात मार्फत अनेकांची फसवणूक करण्यात आली. 100 कोटींवर रक्कम गेल्याने या प्रकरणी ईडीकडून सुद्धा चौकशी सुरू झाली आहे. महिला अधिकाऱ्यांना स्थान नवनाथ बन म्हणाले की, देवेंद्र फडणवीस यांच्या कार्यकाळात महिला अधिकाऱ्यांना सन्मानाचे स्थान देण्यात आले आहे. एखादी व्यक्ती बोलला असेल तर त्यांचा तपास करत कारवाई करण्यात येईल. राहुरीत राष्ट्रवादीच्या उमेदवाराचा पराभव झाल्याशिवाय राहणार नाही. जनता आमच्यासोबत आहे.



Source link