बोपोडी भागात श्वान चावल्याने एका तरुणाने दगड मारून श्वानाला ठार केल्याची घटना घडली आहे. या प्रकरणी एका तरुणाविरुद्ध खडकी पोलिस ठाण्यात गुन्हा दाखल करण्यात आला आहे. आलम शेख (वय 27, रा. तेली चाळ, जुना मुंबई-पुणे रस्ता, बोपोडी) असे गुन्हा दाखल झालेल्या तरुणाचे नाव आहे. जीवन भीमसेन सोनवणे (वय 52, रा. तेली चाळ, जुना मुंबई-पुणे रस्ता, बोपोडी) यांनी याबाबत खडकी पोलिस ठाण्यात फिर्याद दिली आहे. पोलिसांनी दिलेल्या माहितीनुसार, सोनवणे यांनी ‘ऑगी’ नावाचे श्वान पाळले होते. या श्वानाने आरोपी तरुणाचा चावा घेतला होता. श्वानाने चावा घेतल्याने चिडलेल्या तरुणाने हे कृत्य केले. सोमवारी (15 जून) पहाटेच्या सुमारास तरुणाने सोनवणे यांच्या श्वानाच्या डोक्यात दगड घातला. गंभीर जखमी झालेल्या श्वानाचा सकाळी मृत्यू झाल्याचे उघडकीस आले. त्यानंतर सोनवणे यांनी पोलिसांकडे तक्रार दिली. श्वानाच्या डोक्यात दगड घालून मारल्या प्रकरणी आरोपी तरुणाविरुद्ध प्राण्यांचा छळ प्रतिबंधक अधिनियम कलम 11 (1) अन्वये गुन्हा दाखल करण्यात आला आहे. पोलिस उपनिरीक्षक एन. गाडेकर पुढील तपास करत आहेत. गेल्या महिन्यात विश्रांतवाडी भागातही अशीच एक घटना घडली होती. सोसायटीच्या आवारात भटक्या श्वानाने सफाई कामगाराचा चावा घेतला होता. त्यानंतर सफाई कामगाराने श्वानाला काठीने मारले होते, ज्यात श्वानाचा मृत्यू झाला होता. या प्रकरणी एका प्राणीप्रेमी महिलेने विश्रांतवाडी पोलिस ठाण्यात फिर्याद दिली होती. पुणे शहरात भटक्या शवनाचा वावर देखील वाढला असलेले विविध ठिकाणी शिवानाचा नागरिकांना चावा घेण्याचे प्रमाण वाढले असल्याने संताप देखील व्यक्त केला जात आहे.
Source link
श्वान चावल्याने तरुणाने दगड मारला, श्वानाचा मृत्यू:डोक्यात दगड घालणाऱ्या तरुणाविरुद्ध खडकी पोलिसात गुन्हा दाखल
