सत्यनारायण पूजेला टी-सीरीजच्या कार्यालयात पोहोचले सेलिब्रिटी:वरुण-कार्तिक, सारा, रकुल सहभागी, 'हनुमान अंश' फेम शोभिनवही दिसले; जॅकी श्रॉफनी वाटला प्रसाद

गणेशोत्सवाच्या निमित्ताने मुंबईतील टी-सिरीजच्या कार्यालयात आयोजित करण्यात आलेल्या सत्यनारायण पूजेला बॉलिवूडमधील अनेक नामवंत कलाकारांनी हजेरी लावली. दरवर्षीप्रमाणे यंदाही संगीत कंपनी टी-सिरीजच्या कार्यालयात भगवान गणेशाची मूर्ती स्थापित करण्यात आली. या खास प्रसंगी वरुण धवन, कार्तिक आर्यन, टायगर श्रॉफ, तृप्ती डिमरी आणि आयुष्मान खुराना यांच्यासह अनेक कलाकारांनी बाप्पाचे दर्शन घेऊन आशीर्वाद घेतला. सर्व कलाकार पारंपरिक भारतीय पोशाखात बाप्पासमोर नतमस्तक होताना दिसले. यावेळी जॅकी श्रॉफ तेथे उपस्थित छायाचित्रकारांना प्रसाद वाटताना दिसले. पाहा फोटो… पारंपरिक कपड्यांमध्ये पोहोचले वरुण, कार्तिक आणि टायगर गणपतीच्या दर्शनासाठी टी-सीरीजच्या कार्यालयात पोहोचलेला कार्तिक आर्यन हलक्या निळ्या रंगाच्या कुर्त्यात दिसला, तर टायगर श्रॉफ पांढऱ्या रंगाच्या पारंपरिक कुर्ता-पायजम्यात पोहोचला. त्याचप्रमाणे वरुण धवनही साध्या पारंपरिक पोशाखात येऊन बाप्पांची पूजा-अर्चना केली आणि तेथे उपस्थित लोकांचे अभिवादन स्वीकारले. पती डेनियलसोबत पोहोचली सनी, तृप्ती डिमरीही दिसली अभिनेत्री सनी लिओनी आपल्या पती डॅनियल वेबरसोबत टी-सिरीजच्या कार्यालयात पोहोचली. यावेळी सनी पारंपरिक साडीत दिसली, तर डॅनियल कुर्ता-पायजमा परिधान केलेला दिसला. त्यांच्याशिवाय अभिनेत्री तृप्ती डिमरी, नेहा शर्मा, रकुल प्रीत सिंग आणि पलक तिवारी याही साध्या पारंपरिक पोशाखात बाप्पाचा आशीर्वाद घेण्यासाठी पोहोचल्या. ‘हनुमान अंश’ फेम शोभिनवही दिसला अभिनेता आयुष्मान खुराना आपल्या पत्नी ताहिरा कश्यपसोबत टी-सिरीजच्या कार्यालयात पोहोचला. दोघेही एथनिक पोशाखात दिसले. दरम्यान, ‘हनुमान अंश’ या चित्रपटात नीम करोली बाबांची मुख्य भूमिका साकारणारे अभिनेता शोभिनव सत्यही अतिशय साध्या वेशात दर्शनासाठी पोहोचले. त्यांनी साधा कुर्ता परिधान केला होता आणि खांद्यावर बॅग घेतली होती. त्यांनी हात जोडून तेथे उपस्थित लोकांचे आभार मानले. दरवर्षी टी-सीरीजमध्ये आयोजित केली जाते पूजा टी-सीरीजचे व्यवस्थापकीय संचालक भूषण कुमार दरवर्षी गणेश चतुर्थीच्या पवित्र मुहूर्तावर मुंबईतील आपल्या कार्यालयात गणपती बाप्पांची प्रतिष्ठापना करतात. उत्सवादरम्यान चित्रपट आणि संगीत क्षेत्राशी संबंधित निर्माते, दिग्दर्शक, गायक आणि अभिनेते बाप्पांचे आशीर्वाद घेण्यासाठी पोहोचतात. ‘लव्ह अँड वॉर’चा लूक रिलीज झाल्यानंतर रणबीर दिसला बॉलिवूड अभिनेता रणबीर कपूर ‘लव्ह अँड वॉर’ चित्रपटातील त्याचा लूक प्रदर्शित झाल्यानंतर दिसून आला. मुंबईत त्याच्या लाइफस्टाइल ब्रँड आर्क्सच्या नव्या स्टोअरच्या लॉन्च इव्हेंटदरम्यान तो साध्या लूकमध्ये दिसला. यावेळी त्याने बाह्या नसलेला पांढरा टी-शर्ट, काळे जॉगर्स आणि काळा सनग्लासेस घातले होते. यावेळी तिथे उपस्थित पापाराझींनी त्याला विचारले, “रणबीर, तुम्हाला गोळी कुठे लागली?” यावर रणबीर आपला हात दाखवताना दिसला. खरं तर ‘लव्ह अँड वॉर’मधील त्याच्या पहिल्या लूकमध्ये त्याच्या शर्टवर रक्ताचे डाग दिसले होते. त्यानंतर पापाराझींनी त्याला हा प्रश्न विचारला.



Source link