मोहंमद जमीर हसन | तिरुपती4 तासांपूर्वी
- कॉपी लिंक
भगवान व्यंकटेश्वर स्वामी यांच्या चरणी भाविकांनी अर्पण केलेले केस आता तिरुमला मंदिरासाठी ‘ब्लॅक गोल्ड’ ठरत आहेत. मे २०२६ मध्ये तिरुमला येथे केशदानाचा नवा विक्रम झाला आहे. अवघ्या २७ दिवसांत १२.४३ लाखांहून अधिक भाविकांनी आपले केस देवाला अर्पण केले. वाढत्या केशदानासोबतच मंदिराची कमाईही विक्रमी पातळीवर पोहोचणार आहे. तिरुमला तिरुपती देवस्थानमच्या (टीटीडी) मते, १ ते २७ मे दरम्यान १२.४३ लाख भाविकांनी मुंडण केले. दोन वर्षांच्या तुलनेत जास्त आहे. मे २०२४ मध्ये १०.६५ लाख, मे २०२५ मध्ये १०.१८ लाख भाविकांनी केशदान केले होते.
केसांमधून होणार विक्रमी कमाई
केशदानात झालेल्या या वाढीचा थेट परिणाम मंदिराच्या उत्पन्नावरही दिसून येत आहे. टीटीडीने चालू वर्षात मानवी केसांच्या विक्रीतून १७६ कोटी रुपयांच्या उत्पन्नाचा अंदाज आहे. गेल्या आर्थिक वर्षात मिळालेल्या १५० कोटींवर आहे. ही मोठी कमाई मानली जाते. तिरुमलात रोज हजारो भाविक मुंडण करतात.
२८३ टन केसांचा लिलाव सुरू
विक्रमी केशदानादरम्यान टीटीडीने २.८३ लाख किलो म्हणजेच २८३ टनांपेक्षा जास्त केसांची ई-लिलाव प्रक्रिया सुरू केली. लहान केसांना १३५ तर प्रीमियम केसांना प्रति किलो २० हजार रुपये किंमत मिळाली.
