शहरातून बेपत्ता झालेल्या २३ वर्षीय तरुणाचा विदर्भातील खंडाळा पोलिस ठाण्यांतर्गत सत्तरमाळ जंगलात खून झाल्याचे उघड झाले आहे. ६ लाखांची सुपारी देऊन हा खून करण्यात आल्याचे यवतमाळ स्थानिक गुन्हे शाखेच्या प्राथमिक चौकशीत स्पष्ट झाले आहे. याप्रकरणी ८ जणांना अटक केली आहे. हिंगोली शहरातील सिध्दार्थनगर भागातील मंगेश उर्फ काल्या मनवर(२३) हा २ ऑगस्टला कामावर गेला होता. रात्री उशीरापर्यंत तो परत आला नसल्याने कुटुबियांनी त्याचा शोध घेतला. ४ ऑगस्टला कुटुंबियांनी हिंगोली शहर पोलिस ठाण्यात बेपत्ता झाल्याचा अर्ज दिला होता. यवतमाळ जिल्ह्यातील खंडाळा पोलिस ठाण्याच्या हद्दीतील सत्तरमाळ जंगलात अनोळखी मृतदेह आढळूनआला. मृतदेहाच्या गळ्यावर, पाठीवर वार करून खून केल्याचे स्पष्ट झाले होते. तपासात हात मृतदेह हिंगोलीतील बेपत्ता तरुण मंगेश मनवरयाचा असल्याचे स्पष्ट झाले. तपासात संशयित ज्ञानेश्वर राठोड,राहुल लोखंडे, श्रावण भवाळ,सोमनाथ हजारे, विशाल राठोड,अर्जुन शेळके, दीपक जाधव,सिध्दार्थ जाधव (सर्व रा. वाशीम)यांना अटक केली आहे.
Source link
6 लाखांची सुपारी घेऊन हिंगोलीच्या तरुणाचा खून:विदर्भातील सत्तरमाळ जंगलात आढळला मृतदेह
