‘सीयूईटी’ 2 तास उशिरा सुरू; 3,765 जण राहिले वंचित:एनटीएच्या आणखी एका परीक्षेत गोंधळ; एनटीएकडून माफी, परीक्षा हुकली त्यांना पुन्हा संधी

देशातील दुसऱ्या क्रमांकाची सर्वात मोठी प्रवेश परीक्षा सीयूईटी-यूजीची पहिली शिफ्ट शनिवारी अनेक परीक्षा केंद्रांवर तांत्रिक समस्येमुळे वेळेवर सुरू होऊ शकली नाही. त्यामुळे देशभरातील हजारो विद्यार्थ्यांना तासनतास प्रतीक्षा करावी लागली. एनटीएने सायंकाळी म्हटले की, तांत्रिक सेवा देणारी कंपनी टीसीएस आयनकडून उद्भवलेल्या समस्येमुळे काही केंद्रांवर परीक्षा सुरू होण्यास विलंब झाला.

सुमारे ९५% विद्यार्थ्यांनी परीक्षा पुन्हा सुरू झाल्यानंतर पेपर पूर्ण केला. मात्र, ३,७६५ उमेदवारांनी बायोमेट्रिक नोंदणी केल्यानंतरही परीक्षा सुरू होण्यापूर्वी केंद्र सोडले. त्यांची पुन्हा परीक्षा घेतली जाणार आहे. टीसीएस आयनकडून या गोंधळाबाबत तातडीने अहवाल मागवला आहे. दरम्यान, कोणत्याही विद्यार्थ्याचे नुकसान होऊ नये म्हणून प्रभावित केंद्रांवर पूर्ण अतिरिक्त वेळ देण्यात आला, असे एनटीएने सांगितले.

ओएसएम निविदेवर विद्यार्थ्याचे प्रश्न : अटी बदलल्या, कंपनीला फायदा?

सीबीएसईच्या २०२५-२६ बॅचमधील विद्यार्थी सार्थक सिद्धांत यांनी ऑन-स्क्रीन मार्किंग (ओएसएम) प्रकल्पाच्या निविदा कागदपत्रांचे विश्लेषण करून दावा केला की, विविध टप्प्यांत पात्रता व तांत्रिक अटींमध्ये असे बदल केले. त्यामुळे कोएम्प्ट एडुटेकसाठी निविदा प्रक्रिया सुलभ झाली. विद्यार्थ्याने तीन निविदा आवृत्त्यांची तुलना करून स्वतंत्र चौकशीची मागणी केली. त्याने पुढील प्रश्न उपस्थित केले आहेत–

हीच पिढी हिशेब मागेल : राहुल

नीट, सीबीएसई, एसएससी आणि आता सीयूईटी. चार परीक्षा, एक कोटी मुले आणि एकही परीक्षा प्रामाणिकपणे पार पडलेली नाही. या पिढीचे भविष्य उद्ध्वस्त केले जात आहे, तीच तुमचा हिशेब करेल. — राहुल गांधी, लोकसभेतील विरोधी पक्षनेते