सोशल मीडियावर व्यंग्यात्मक मोहिमेने चर्चेत आलेल्या ‘कॉक्राेच जनता पार्टी’चे संस्थापक अभिजीत दीपके शनिवार, ६ जून रोजी अमेरिकेतून भारतात परतणार आहेत. भारतात आल्यानंतर ते नीट-यूजी, सीबीएसई, सीयूईटी व इतर परीक्षांतील वादांवरून शिक्षणमंत्री धर्मेंद्र प्रधान यांच्या राजीनाम्याच्या मागणीसाठी दिल्लीत शांततापूर्ण आंदोलन करणार असल्याचे त्यांनी सांगितले. दीपके म्हणाले – नोकरी सोडली, अटकेची भीतीही बोस्टनमध्ये जनसंपर्काचे शिक्षण पूर्ण केल्यानंतर आपल्याला अमेरिका आणि युरोपमधील अनेक कंपन्यांकडून नोकरीचे प्रस्ताव आले, पण आपण भारतात परतण्याचा निर्णय घेतला, असे दीपके यांनी सांगितले. ते म्हणाले, मला हवे असते तर मी अमेरिकेत नोकरी करून तिथेच राहू शकलो असतो. पण विद्यार्थ्यांसाठी आवाज उठवण्यासाठी मी परत येत आहे. कुटुंबाला धमक्याही आल्या, तसेच अटकेची भीती असल्याचे अभिजीत दीपके म्हणाले.
Source link
कॉक्राेच जनता पार्टीचे दीपके दिल्लीमध्ये निदर्शने करणार:परीक्षा वाद – शिक्षणमंत्र्यांच्या राजीनाम्याची मागणी
