एककाळी ऑइलफिल्ड उपकरणांच्या दुनियेतून आलेले तरुण ताहिलियानी आज दुबईतील पॉश जुमेरा परिसरात दोन मजली लक्झरी स्टोअर सजवत आहेत. ही केवळ एका व्यक्तीची कथा नाही, तर संपूर्ण भारतीय फॅशन उद्योगाच्या जागतिक महत्त्वाकांक्षेचे प्रतीक आहे. रिलायन्स, आदित्य बिर्ला फॅशनसारख्या कॉर्पोरेट गुंतवणूकदारांमुळे सब्यसाची, मनीष मल्होत्रा, अनिता डोंगरे यांसारखे भारतीय ब्रँड्स न्यूयॉर्क, दुबईसारख्या शहरांमध्ये आपली उपस्थिती नोंदवत आहेत. भारतीय हस्तकला, हस्तकाम या ब्रँड्सना ओळख मिळवून देत आहेत. आकर्षक मार्केटिंग, वेगळी शैली आणि प्रभावामुळे हे ब्रँड्स जगभरात आपले स्थान निर्माण करत आहेत. यामुळे भारतीय फॅशन उद्योगाचे 22 टक्के उत्पन्न परदेशी बाजारातून येऊ लागले आहे. भारतीय फॅशन हॉलिवूड, पॅरिसच्या सर्वात मोठ्या मंचांपर्यंत पोहोचले आंतरराष्ट्रीय ओळख – भारतीय डिझाईन्सना महत्त्व मिळत आहे. भारतीय कारागिरीला जागतिक स्तरावर एक ‘ब्रँड’ मानले जाते. हॉलिवूड स्टार्सची पसंती- गौरव गुप्तांसारख्या भारतीय डिझायनर्सचे कपडे आता ‘कार्डी बी’ आणि ‘मेगन दी स्टॅलियन’ यांसारखे मोठे ग्लोबल सुपरस्टार्स परिधान करत आहेत. हा ट्रेंड वाढत आहे. रेड कार्पेटपर्यंत- प्रसिद्ध अभिनेत्री झेंडायाने राहुल मिश्राने डिझाइन केलेले कपडे परिधान केले, तर पॉप स्टार बियॉन्सेने तिच्या शोसाठी गौरव गुप्ताचे आउटफिट्स निवडले. परदेशी ब्रँड्सवर प्रभाव- प्रादासारख्या मोठ्या आंतरराष्ट्रीय लक्झरी ब्रँडने भारताच्या पारंपरिक कोल्हापुरी चपला त्यांच्या कलेक्शनमध्ये समाविष्ट केल्या आहेत. पॅरिस फॅशन वीकमध्ये दबदबा – जगातील सर्वात प्रतिष्ठित ‘पॅरिस हॉट कूटूर वीक’मध्ये आता भारतीय डिझायनर्स दरवर्षी नियमितपणे शो करत आहेत. डिझाइन चोरी ही गंभीर समस्या, कस्टम ड्युटीमध्ये भांडवल खर्च होत आहे – आंतरराष्ट्रीय भाडे, कर्मचारी आणि सीमाशुल्कात (कस्टम्स) खूप भांडवल खर्च होत आहे. हाताने बनवलेल्या उत्पादनांसाठी साठा व्यवस्थापन (इन्व्हेंटरी मॅनेजमेंट) आवश्यक आहे. – युरोपियन लक्झरी हाऊसशी थेट स्पर्धा हे मोठे आव्हान, चलन बाजारातील चढ-उतार आणि स्थूल आर्थिक अस्थिरता (मॅक्रोइकॉनॉमिक अस्थिरता) – राहुल मिश्रा यांच्या ‘टायग्रेस’ डिझाइनची एका टीव्ही शोमध्ये नक्कल (कॉपी) आढळली. – सुरत, चांदनी चौक, इंस्टाग्राम पेजवर कूटूर (couture) लुक्स काही दिवसांत कॉपी होतात. सब्यसाची, मनीष मल्होत्रा, अनिता डोंगरे या सर्वांना दिल्ली उच्च न्यायालयातून स्थगिती आदेश (स्टे ऑर्डर) मिळाले. – आयपी (बौद्धिक संपदा) कायदे अस्तित्वात आहेत पण फॅशनच्या गतीपेक्षा खूप धीमे आहेत.
Source link
भारतीय लक्झरी फॅशनची जागतिक स्टोअर्सपर्यंत धमक:यांचा 22% व्यवसाय परदेशी बाजारातून; न्यूयॉर्क ते दुबईपर्यंत स्टोअर्स उघडले, हॉलिवूडही चाहता
