लबाडी, फसवणूक आणि विश्वासघात हाच भाजपचा खरा DNA:विद्यार्थ्यांवरील कारवाईवरून रोहित पवारांचा सरकारवर घणाघात

आंदोलक विद्यार्थ्यांवर कोणतीही कारवाई करणार नाही, असे आश्वासन देऊनही अवघ्या दोन दिवसांतच विद्यार्थ्यांवर गुन्हे दाखल केल्याच्या मुद्द्यावरून राष्ट्रवादी काँग्रेसचे (शरदचंद्र पवार) आमदार रोहित पवार यांनी भाजपवर सडकून टीका केली आहे. “लबाडी, फसवणूक आणि विश्वासघात हाच भाजपचा खरा डीएनए (DNA) असून, त्यांच्या या लबाडीचा योग्य वेळी इंच इंच हिशोब घेतल्याशिवाय राहणार नाही,” असा इशारा रोहित पवार यांनी दिला आहे. विद्यार्थ्यांसमोर सरकारला गुडघे टेकावे लागल्याने भाजपचा अहंकार दुखावला गेला आणि त्यातूनच ही कारवाई केली जात असल्याचा गंभीर आरोप त्यांनी केला आहे. भाजपचा अहंकार दुखावल्याचा दावा गेल्या काही दिवसांपासून विद्यार्थी आणि तरुण आपल्या न्याय्य मागण्यांसाठी रस्त्यावर उतरून सरकारविरोधात आंदोलन करत आहेत. या आंदोलनांची दखल घेत सरकारने सुरुवातीला नमती भूमिका घेतली होती. यावर रोहित पवार यांनी सोशल मीडिया पोस्ट करत म्हटले आहे की, “विद्यार्थी आणि तरुणांनी प्रथमच गुडघे टेकायला भाग पाडल्यामुळे भाजपचा अहंकार चांगलाच दुखावल्याचे दिसत आहे.” आश्वासनाची दोनच दिवसांत होळी सरकारच्या भूमिकेवर प्रश्नचिन्ह उपस्थित करताना रोहित पवार म्हणाले की, “घायाळ झालेल्या भाजपने ‘कोणत्याही आंदोलक विद्यार्थ्यावर कारवाई करणार नाही’ असे आश्वासन दिले होते. मात्र, स्वतःच्याच आश्वासनाची त्यांनी अवघ्या दोनच दिवसांत होळी केली.” राज्यांमध्ये गुन्हे दाखल केल्याचा आरोप रोहित पवार यांनी आपल्या पोस्टमध्ये काही राज्यांचा विशेष उल्लेख केला आहे. त्यांच्या म्हणण्यानुसार, आश्वासनानंतरही भाजपशासित बिहार, आसाम तसेच पश्चिम बंगाल आदी राज्यांमध्ये विद्यार्थी आणि तरुणांवर गंभीर गुन्हे दाखल करण्यात आले आहेत. त्यांना अटक करण्याचा सपाटाच यंत्रणांनी लावला आहे, याकडे पवारांनी लक्ष वेधले आहे. “हाच भाजपचा खरा DNA” भाजपच्या या कथित दुटप्पी भूमिकेवर संताप व्यक्त करत रोहित पवार यांनी थेट भाजपच्या कार्यपद्धतीवर हल्ला चढवला आहे. “यातूनच लबाडी, फसवणूक आणि विश्वासघात हा आपला खरा DNA आहे, हे भाजपने दाखवून दिले आहे. या दडपशाहीबाबत भाजप सरकारचा तीव्र निषेध,” अशा शब्दांत त्यांनी आपला रोष व्यक्त केला. ‘इंच इंच हिशोब घेणार’ भाजप सरकारच्या या लबाडीचाही योग्य वेळी इंच इंच हिशोब झाल्याशिवाय राहणार नाही,” असा निर्वाणीचा इशारा रोहित पवारांनी दिला आहे. त्यांच्या या पोस्टमुळे आता राजकीय वर्तुळात आणि विद्यार्थी संघटनांमध्ये जोरदार चर्चा सुरू झाली आहे. हेही वाचा.. आज संसदेत पेपर लीक कायदा सुधारणा विधेयकावर चर्चा:विरोधकही राजी; 6 तासांचा वेळ निश्चित, दुपारी 12 वाजता सुरू होऊ शकते चर्चा आज संसदेत पेपर लीक कायद्याच्या सुधारणा विधेयकावर चर्चा होईल. विरोधकांनी गदारोळात सोमवारी चर्चेला सहमती दर्शवली. लोकसभा अध्यक्ष ओम बिर्ला यांनी विधेयकावर चर्चेसाठी 6 तासांचा वेळ निश्चित केला आहे. हा वेळ पुढेही वाढवला जाऊ शकतो. चर्चा दुपारी 12 वाजता सुरू होण्याची शक्यता आहे. सविस्तर वाचा



Source link