स्वातंत्र्यदिनाचा उत्साह:मुख्यमंत्री फडणवीसांनी मंत्रालयात, एकनाथ शिंदेंनी ठाण्यात तर सुनेत्रा पवारांनी बीडमध्ये केले ध्वजारोहण

देशभरात आज ८०वा स्वातंत्र्यदिन उत्साहात साजरा केला जात आहे. महाराष्ट्रातही विविध ठिकाणी ध्वजारोहणाचे कार्यक्रम पार पडले. मंत्रालयात मुख्यमंत्री देवेंद्र फडणवीस यांच्या हस्ते ध्वजारोहण करण्यात आले. यावेळी त्यांनी राज्यातील नागरिकांना स्वातंत्र्यदिनाच्या शुभेच्छा देत संबोधित केले. आपल्या भाषणातून त्यांनी महाराष्ट्रातील विविध विकासकामांचा आढावा घेतला. मुख्यमंत्री फडणवीसांच्या हस्ते मंत्रालयात ध्वजारोहण मंत्रालय परिसरात झालेल्या स्वातंत्र्यदिनाच्या मुख्य कार्यक्रमात मुख्यमंत्री देवेंद्र फडणवीस यांनी राष्ट्रध्वज फडकावून तिरंग्याला मानवंदना दिली. यावेळी वरिष्ठ अधिकारी आणि कर्मचारी उपस्थित होते. ध्वजारोहणानंतर मुख्यमंत्री फडणवीस यांनी राज्यातील जनतेला संबोधित केले.
ठाण्यात एकनाथ शिंदेंनी फडकावला तिरंगा ठाणे जिल्हाधिकारी कार्यालयात उपमुख्यमंत्री एकनाथ शिंदे यांच्या हस्ते स्वातंत्र्यदिनानिमित्त ध्वजारोहण करण्यात आले. यावेळी प्रशासनातील अधिकारी, कर्मचारी आणि नागरिक उपस्थित होते. शिंदे यांनी उपस्थितांना स्वातंत्र्यदिनाच्या शुभेच्छा दिल्या.
बीडमध्ये सुनेत्रा पवारांच्या हस्ते ध्वजारोहण बीडमध्ये उपमुख्यमंत्री सुनेत्रा पवार यांच्या हस्ते स्वातंत्र्यदिनानिमित्त ध्वजारोहण करण्यात आले. यावेळी जिल्हा प्रशासनातील अधिकारी, कर्मचारी आणि मान्यवर उपस्थित होते. सुनेत्रा पवार यांनी तिरंग्याला मानवंदना देत उपस्थितांना स्वातंत्र्यदिनाच्या शुभेच्छा दिल्या. राज्यातील विविध जिल्ह्यांमध्येही स्वातंत्र्यदिनाचे कार्यक्रम उत्साहात पार पडले. हेही वाचा.. मोदी म्हणाले- देशाला बौद्धिक नक्षलवादापासून वाचवा:तरुणांची दिशाभूल करण्याचा प्रयत्न; महिला आरक्षणाचे राजकारण करू नये पंतप्रधान नरेंद्र मोदी यांनी ८० व्या स्वातंत्र्यदिनानिमित्त लाल किल्ल्यावरून ७६ मिनिटांचे भाषण केले. पंतप्रधानांनी नमूद केले की, सशस्त्र नक्षलवादी आता कालबाह्य झाले असले, तरी ‘वैचारिक नक्षलवादी’ संधीच्या शोधात आहेत. ते समाजाला चुकीच्या मार्गावर नेण्यासाठी विविध कारवाया करत आहेत. अशा व्यक्ती हिंसाचार आणि अराजकतेचा मार्ग स्वीकारत आहेत. या वैचारिक नक्षलवाद्यांची ओळख पटवून त्यांना वेगळे पाडले पाहिजे. देशातील तरुणांना विकसित राष्ट्र घडवण्याच्या कार्यात सहभागी करून घेतले पाहिजे. सविस्तर वाचा



Source link