मुंबईतील कांदिवली पश्चिम परिसरातील स्टेशन रोडवर असलेल्या एका चार मजली कमर्शियल इमारतीत सोमवारी पहाटेच्या सुमारास आग लागल्याने खळबळ उडाली. सकाळी सुमारे ४.१४ वाजता आगीची माहिती अग्निशमन दलाला मिळाली. आगीमुळे इमारतीत मोठ्या प्रमाणात धूर पसरला होता. घटनेची माहिती मिळताच अग्निशमन दलाच्या जवानांनी तातडीने घटनास्थळी धाव घेत बचावकार्य सुरू केले. दुसऱ्या मजल्यावरील लॉजिंगमधून ११ जणांची सुटका आगीच्या वेळी इमारतीतील दुसऱ्या मजल्यावरील लॉजिंग हाऊसमध्ये ११ जण अडकले होते. अग्निशमन दलाच्या जवानांनी शिडीच्या सहाय्याने सर्वांना सुरक्षितपणे बाहेर काढले. सुदैवाने या घटनेत कोणाचाही मृत्यू झाला नाही किंवा कोणी जखमी झाल्याची माहिती समोर आलेली नाही. इलेक्ट्रिकल वायरिंग, फर्निचर, प्लास्टिक साहित्य जळून खाक प्राथमिक माहितीनुसार, आगीचा परिणाम प्रामुख्याने इलेक्ट्रिकल वायरिंग आणि इलेक्ट्रिकल इन्स्टॉलेशन, लाकडी फर्निचर, ताडपत्री, बांबू तसेच प्लास्टिकच्या साहित्यावर झाला. इमारतीच्या लगत असलेल्या तात्पुरत्या फळांच्या स्टॉलमधील साहित्यालाही आगीची झळ बसली. इमारतीच्या चौथ्या मजल्याच्या काही भागातही आग पोहोचल्याची माहिती आहे. सहा वाजून सात मिनिटांनी आग आटोक्यात आग विझवण्यासाठी अग्निशमन दलाच्या चार फायर इंजिनसह इतर दमकल वाहने घटनास्थळी दाखल झाली होती. जवानांनी शर्थीचे प्रयत्न करत सकाळी ६ वाजून ७ मिनिटांनी आग पूर्णपणे आटोक्यात आणली. आगीचे नेमके कारण अद्याप स्पष्ट झालेले नसून, त्याचा तपास सुरू आहे. हेही वाचा.. बंगालमधील बीरभूम येथील हॉटेलला आग, 7 जणांचा मृत्यू:सकाळी 4.30 वाजता दुर्घटना; श्रावण सोमवारी तारापीठ मंदिरात पोहोचले होते भाविक पश्चिम बंगालमधील बीरभूम जिल्ह्यात एका हॉटेलला आग लागली. या दुर्घटनेत सात जणांचा मृत्यू झाला असून अनेक जण गंभीर जखमी झाले आहेत. आग लागण्याचे कारण एसीमध्ये शॉर्ट सर्किट झाल्याचे सांगितले जात आहे. मिळालेल्या माहितीनुसार, श्रावण सोमवारच्या निमित्ताने मोठ्या संख्येने भाविक तारापीठ मंदिरात पोहोचले होते. ते येथील एका हॉटेलमध्ये थांबले होते. सकाळी ते झोपले असतानाच पहाटे ४.३० च्या सुमारास हॉटेलला आग लागली. सविस्तर वाचा
Source link
मुंबईतील कांदिवलीमध्ये इमारतीला भीषण आग:11 जणांची सुखरूप सुटका, सुदैवाने जीवितहानी नाही
