डिजिटल युगात अर्थपूर्ण नात्यांची आस!:भारतातील 35 टक्के अविवाहित एकटेपणाने ग्रस्त; 70 टक्के तरुणांना नवीन नातं हवंय

संपूर्ण आशियामध्ये आधुनिक जीवनशैलीमुळे तरुण अविवाहित व्यक्तींना इच्छित अर्थपूर्ण नाती जोडणे अधिक आव्हानात्मक होत चालले आहे. भारतात, व्यक्तींपर्यंत पोहोचण्याच्या किंवा ओळख होण्याच्या संधींची कमतरता हे आव्हान नसून, वाढत्या धावपळीच्या आणि डिजिटल माध्यमातून जोडल्या गेलेल्या जगात अर्थपूर्ण वाटणारी नाती शोधणे हे मुख्य आव्हान ठरत आहे. भारतातील तरुण आजही सामाजिक आणि रोमँटिक नात्यांच्या शोधात आहेत; तरीही कामाचा ताण, थकवा आणि ऑनलाइन संवाद व प्रत्यक्ष आयुष्यातील नातेसंबंध यांच्यातील वाढत्या अंतरामुळे मनापासून आपलेपणा जाणवणे अधिक आव्हानात्मक बनत चालले आहे. माणसांमधील नात्यांचे हे बदलते स्वरूप अधिक चांगल्या प्रकारे समजून घेण्यासाठी ‘मॅच ग्रुप’ने भारतातील तरुण अविवाहित प्रौढांना एकटेपणा, सामाजिक नातेसंबंध, नाते आणि डेटिंग यांविषयी कसा अनुभव येतो याबाबत संशोधन करण्यासाठी ‘इप्सॉस’ला नियुक्त केले होते. या संशोधनामधून नात्यांमधील एक विरोधाभास समोर आला आहे. भारतातील तरुण नाती जोडण्यासाठी सक्रियपणे प्रयत्न करत आहेत, पण व्यक्तींच्या सहवासात असणे आणि डिजिटल माध्यमातून कनेक्टेड असणे म्हणजे एकटेपणा कमी होणे असा अर्थ होत नाही. अनेकांसाठी, केवळ नवीन व्यक्तींना भेटण्याचे नवनवीन मार्ग शोधणे, तसेच कमी पण अधिक दृढ आणि अर्थपूर्ण नाती निर्माण करणे ही काळाची गरज बनली आहे. सर्व्हेक्षणातील प्रमुख आणि धक्कादायक निष्कर्ष एकटेपणा आणि संवादाची धडपड: काम आणि थकव्याचा प्रभाव: डिजिटल जग विरुद्ध प्रत्यक्ष आयुष्य: संख्यात्मक नात्यांपेक्षा दृढ नात्यांवर भर ही गरज रोमँटिक संबंधांपर्यंतही विस्तारलेली दिसते: या निष्कर्षांवरून तरुण आता कोणासोबत नाते जोडायचे याबाबतीत अधिक विचारपूर्वक पुढाकार घेत असल्याचे स्पष्ट होते. 63 टक्के व्यक्ती तडजोड करून एखाद्या अयोग्य जोडीदारासोबत राहण्यापेक्षा शोध सुरू ठेवणे पसंत करतील, तर 72 टक्के व्यक्ती दीर्घकालीन भविष्य दिसणाऱ्या व्यक्तींसोबत डेटिंग करतील; ज्यामधून सुसंगतता आणि दीर्घकालीन भविष्यावर आधारित नात्यांना असलेली पसंती दिसून येते. मॅच ग्रुपचे मत “भारतातील तरुणांना पाहिजे असलेल्या नात्यांबाबत पूर्ण माहिती आहे,” असे मॅच ग्रुपचे भारत आणि मिडल ईस्टमधील प्रादेशिक प्रमुख व वरिष्ठ संचालक अनुकुल कुमार म्हणाले. “संशोधनातून निदर्शनास आले की, भारतातील 35 टक्के अविवाहित व्यक्तींना वारंवार किंवा नेहमी एकटेपणा जाणवतो, तरीही 70 टक्के व्यक्ती नवीन सामाजिक संबंध जोडण्यासाठी सक्रिय प्रयत्न करत आहेत आणि 72 टक्के व्यक्ती कमी, पण अधिक दृढ नात्यांना प्राधान्य देतात. व्यस्त जीवनशैली आणि डिजिटल संवादामुळे खरी नाती जोडणे आव्हानात्मक होत असले, तरी अर्थपूर्ण नाते असण्याची इच्छा अजूनही कायम आहे. तंत्रज्ञान व्यक्तींना खरीखुरी, सुसंगत आणि अर्थपूर्ण वाटणारी नाती शोधून देण्यामध्ये महत्त्वाची भूमिका बजावू शकते,” असे त्यांनी नमूद केले. अर्थपूर्ण नाती शोधण्यात तंत्रज्ञानाची आणि डेटिंग ॲप्सची भूमिका सर्व्हेक्षणाबद्दल इप्सॉसने तरुण अविवाहित व्यक्तींना एकटेपणा, सामाजिक नातेसंबंध, नाते आणि डेटिंग यांविषयी येणारा अनुभव समजून घेण्यासाठी भारत, जपान, दक्षिण कोरिया आणि थायलंडमध्ये ‘मॅच ग्रुप ह्युमन कनेक्शन सर्व्हे’ आयोजित केला होता. भारतात या सर्व्हेअंतर्गत प्रमुख महानगर आणि प्रथम श्रेणीच्या शहरांमधील 18 ते 45 वयोगटातील 1,000 अविवाहित व्यक्तींचे सर्वेक्षण करण्यात आले.



Source link