नागपूरमध्ये गणपती विसर्जनाच्या बाराव्या दिवशी तब्बल १ लाख ५४ हजार ५०६ गणेशमूर्तींचे विसर्जन झाले. यात १ लाख ४५ हजार ८४८ मातीच्या आणि ८ हजार ६५८ पीओपीच्या मूर्तींचा समावेश आहे. २६ सप्टेंबरच्या रात्री उशिरापर्यंत विसर्जन सुरू होते. गणरायाला निरोप देताना शहरात पावसाच्या सरी बरसत होत्या. ‘गणपती बाप्पा मोरया, पुढच्या वर्षी लवकर या’च्या जयघोषाने शहर दुमदुमले होते. महापालिकेने ४६५ कृत्रिम तलावांची व्यवस्था केली होती, ज्यात घरगुती आणि सार्वजनिक मूर्तींचे विसर्जन झाले. या काळात महापालिकेने १६२.७५ टन निर्माल्य जमा केले. एकूण विसर्जित मूर्तींपैकी सुमारे ९४ टक्के मातीच्या होत्या, तर ६ टक्के पीओपीच्या होत्या. कृत्रिम तलावांचा वाढलेला वापर आणि निर्माल्याचे स्वतंत्र संकलन ही यंदाच्या विसर्जन व्यवस्थेची वैशिष्ट्ये ठरली.
Source link
नागपुरात 1.54 लाख गणेशमूर्तींचे विसर्जन:1.45 लाख मातीच्या, 8658 पीओपीच्या मूर्ती; कृत्रिम तलावांचा वापर वाढला
