Gold Silver Price Fall 2026

सोने-चांदीच्या किमतीत आज म्हणजेच 13 ऑक्टोबरला घसरण झाली आहे. इंडिया बुलियन अँड ज्वेलर्स असोसिएशन (IBJA) नुसार, 10 ग्रॅम 24 कॅरेट सोन्याचा भाव 399 रुपयांनी घसरून 1.48 लाख रुपयांवर आला आहे. एका किलो चांदीची किंमत 923 रुपयांनी कमी होऊन 2.20 लाख रुपये झाली आहे.

याआधी काल म्हणजेच 12 ऑक्टोबरलाही सोन्याचा भाव 1,369 रुपयांनी आणि चांदीचा भाव 814 रुपयांनी स्वस्त झाला होता. दोन दिवसांत सोने जवळपास 1,750 रुपयांनी आणि चांदी 1,700 रुपयांनी स्वस्त झाली आहे.

सोने-चांदीच्या किमती आणखी वाढू शकतात

आज सोन्या-चांदीच्या दरात घसरण झाली असली तरी येत्या काही दिवसांत त्यांच्या किमती वाढू शकतात. कमोडिटी तज्ज्ञ अजय केडिया यांच्या मते, भारत आणि चीनमध्ये सणासुदीचा हंगाम सुरू झाला आहे. त्यामुळे सोने-चांदीच्या मागणीत वाढ होईल.

याशिवाय चीनसह जगातील इतर देशांच्या केंद्रीय बँकाही सोने खरेदी करत आहेत. अजय केडिया यांच्या मते, या सर्व कारणांमुळे दिवाळीपर्यंत सोने 1.55 लाख रुपये आणि चांदी 2.40 लाख रुपयांपर्यंत पोहोचू शकते.

या वर्षी सोने ₹15 हजारांनी महागले आणि चांदी ₹10 हजारांनी घसरली

या वर्षी सोने-चांदीच्या किमतींमध्ये सतत चढ-उतार पाहायला मिळत आहेत. 2026 मध्ये आतापर्यंत सोने सुमारे 15 हजार रुपयांनी महागले आहे. त्याचवेळी, चांदी सुमारे 10 हजार रुपयांनी स्वस्त झाली आहे. 31 डिसेंबर 2025 रोजी 10 ग्रॅम सोन्याची किंमत 1.33 लाख रुपये होती, जी आता 1.48 लाख रुपयांवर पोहोचली आहे.

31 डिसेंबर 2025 रोजी चांदीची किंमत 2.30 लाख रुपये प्रति किलो होती, जी आता 2.20 लाख रुपयांवर आली आहे. या कालावधीत 29 जानेवारी रोजी सोन्याने 1.76 लाख रुपये आणि चांदीने 3.86 लाख रुपयांचा आतापर्यंतचा उच्चांकही गाठला होता.

या वर्षी आतापर्यंत सोने-चांदीची वाटचाल

नोंद:- सोन्याची किंमत प्रति 10 ग्रॅम आणि चांदीची किंमत प्रति किलो | स्रोत:- IBJA

ज्वेलर्सकडून सोने खरेदी करताना २ गोष्टी लक्षात ठेवा