उभ्या असलेल्या कारची एअरबॅग अचानक उघडली अन् क्षणात होत्याचं नव्हतं:मुंबईत 25 वर्षीय कार विक्रेत्याचा दुर्दैवी मृत्यू, नेमकं काय घडलं?
मुंबईलगतच्या मीरा रोड परिसरात अत्यंत धक्कादायक प्रकार घडला आहे. सेकंड-हँड कारचा व्यवसाय करणाऱ्या 25 वर्षीय तरुणाचा कारची तपासणी करत असताना स्टिअरिंगमधील एअरबॅग अचानक उघडल्याने मृत्यू झाला. एअरबॅग उघडताना तिच्या प्लास्टिक कव्हरचा जबरदस्त फटका मानेवर बसल्याने गंभीर दुखापत झाली आणि मोठ्या प्रमाणात रक्तस्राव होऊन त्यांचा मृत्यू झाला. या विचित्र अपघातामुळे वाहनांच्या सुरक्षाव्यवस्थेवर आणि एअरबॅगच्या कार्यप्रणालीवरही प्रश्नचिन्ह…
