Headlines

गुजरातमध्ये ट्रक-कारची धडक, 3 मुलांसह 7 जण ठार:लष्करी जवानांचे होते कुटुंबीय; कच्छहून परतताना अपघात, कारचे झाले 2 तुकडे




गुजरातमधील कच्छ येथे शनिवारी रात्री १० वाजता ट्रक आणि कारची समोरासमोर धडक झाली. हा अपघात इतका भीषण होता की, कारचे दोन तुकडे झाले. कारमधील सर्व सात जणांचा घटनास्थळीच मृत्यू झाला. मृतांमध्ये दोन महिला आणि तीन मुलांचा समावेश आहे. त्यापैकी एक मूल फक्त ३ महिन्यांचे होते. सर्व मृत उत्तराखंडमधील गढवाल येथील रहिवासी होते. ते भुज येथे तैनात असलेल्या लष्करी जवानांच्या कुटुंबांतील सदस्य होते. ते रण ऑफ कच्छला भेट देऊन भुजला परत येत होते. त्यावेळी हा अपघात झाला. अपघातातील मृतांची ओळख पटली या अपघातील सर्व मृतांची ओळख पटली आहे. मृतांत सौरभ सिंह नेगी (३०), त्यांची पत्नी सविता (३०) आणि त्यांची तीन महिन्यांची मुलगी शिविका यांचा समावेश आहे. याशिवाय राजेश सिंह रावत (३५), त्यांची सात वर्षांची मुलगी रक्षित, रिंकी गोसाईं (३०) आणि त्यांची चार वर्षांची मुलगी वामिका यांचाही या दुर्घटनेत मृत्यू झाला आहे. कारच्या ढिगाऱ्यात अडकले मृतदेह, बाहेर काढण्यासाठी लागले अनेक तास ट्रकशी धडक झाल्यानंतर कारचे मोठ्या प्रमाणात नुकसान झाले होते. कारचे दोन तुकडे झाल्याने त्यातील प्रवासी आत अडकले. अपघातानंतर बचाव पथक घटनास्थळी पोहोचले आणि मृतदेह बाहेर काढण्याचे काम सुरू केले. कारच्या ढिगाऱ्यात अडकलेले मृतदेह बाहेर काढण्यासाठी अनेक तास लागले.



Source link

Leave a Reply

Your email address will not be published. Required fields are marked *