प्रतिनिधी |अकोला जिल्हातील जिल्हा परिषद शाळेमधून सेवानिवृत्त झालेल्या शिक्षकांचा सेवानिवृत्ती सन्मान सोहळ्याचे आयोजन जिल्हा परिषद प्राथमिक उर्दू शाळा ताजनापेठ येथे करण्यात आले. सेवानिवृत्त केंद्र प्रमुख ज्ञानेश्वर मांडेकर यांनी कार्यक्रमासाठी पुढाकार घेतला. कार्यक्रमाच्या अध्यक्षस्थानी जेष्ठ सेवानिवृत्त केंद्रप्रमुख अजय बांडी होते. प्रमुख अतिथी म्हणून सतिश दोडके, प्रकाश चतरकर, रजनिश ठाकरे, राजेश देशमुख व्यासपीठावर उपस्थित होते. कार्यक्रमात सेवानिवृत्त शिक्षक शशिकांत गायकवाड, मो. अथर परवेज मो. हुसेन, धनराज आंबेकर, भास्कर पातुर्डे, सुधाकर कुचर, मधुसुदन घावट, राजकन्या सावळे, वंदना पिंपळे, तनविर फिरदोस, सतीश देशमुख यांचा सेवानिवृत्तनिमित्त शाल श्रीफळ देवून यथोचित सन्मान केला. मुकंद देशमुख, गजानन काळे, गोकुळ कलंत्री कार्यक्रमाची धुरा सांभाळली. या वेळी सेवानिवृत्त मंडळीनी आपल्या भावना व्यक्त केल्या. शैक्षणिक क्षेत्राची प्रतिमा उंचावणे, शैक्षणिक क्षेत्रातील अडचणी – समस्या दूर करण्यासाठी कार्य प्रयत्न करू. शैक्षणिक क्षेत्रातील त्यांचा प्रचंड प्रत्यक्ष अनुभवाचा फायदा पुढील पिढीला होण्याकरीता प्रयत्नशिल राहू, असेही ते म्हणाले. आयोजक ज्ञानेश्वर मांडेकर यांनी प्रास्तविकातून जिल्हातील सेवानिवृत्त व कार्यरत शिक्षकांच्या समस्यावर प्रकाशझोत टाकला. सेवानिवृत्त बांधवानी कर्तव्याचा भाग म्हणून शैक्षणिक क्षेत्रात क्रियाशील राहावे, असे आवाहन त्यांनी केले. सूत्रसंचालन शिक्षक अजहरउद्दीन केले. शाळेचे मुख्याध्यापक जव्वाद हुसेन यांनी आभार मानले.
Source link
जिल्हा परिषद प्राथमिक उर्दू शाळेतील सेवानिवृत्त शिक्षकांच्या कार्याला उजाळा:सेवानिवृत्ती सन्मान सोहळ्याचे आयोजन
