दिवाळी आणि दसऱ्याच्या काळात ट्रेन्समध्ये होणारी गर्दी लक्षात घेता रेल्वे १०२ फेस्टिव्ह स्पेशल ट्रेन्स चालवणार आहे. या स्पेशल ट्रेन्ससाठी तिकिटांचे बुकिंग सुरू झाले आहे. यामध्ये प्रवास करण्यासाठी स्पेशल चार्जेस द्यावे लागतील. १० ऑक्टोबर ते २४ नोव्हेंबर या काळात धावणाऱ्या या स्पेशल ट्रेन्समुळे मुंबई, चेन्नई, लातूर, कोल्हापूर आणि कलबुर्गी यांसारख्या शहरांमधील कनेक्टिव्हिटी वाढवतील. या ट्रेन्ससाठी IRCTC ॲप आणि अधिकृत वेबसाइट (irctc.co.in), रेल्वेच्या आरक्षण केंद्रांवर तसेच RailOne ॲपद्वारे तिकीट बुक करता येईल. मुंबई-चेन्नई साप्ताहिक स्पेशल छत्रपती शिवाजी महाराज टर्मिनस (CSMT) मुंबई ते चेन्नई दरम्यान साप्ताहिक विशेष ट्रेन धावणार आहे. ही ट्रेन १५ ऑक्टोबर ते १९ नोव्हेंबरदरम्यान दोन्ही दिशांनी प्रत्येकी ६ फेऱ्या करेल. चेन्नई बीचहून CSMT मुंबई विशेष ट्रेन दर गुरुवारी सकाळी ४ वाजता सुटेल आणि दुसऱ्या दिवशी सकाळी ४ वाजता मुंबईला पोहोचेल. CSMT मुंबई-लातूर ही ट्रेन मुंबई आणि लातूरदरम्यान आठवड्यातून दोन दिवस धावेल. ती १३ ऑक्टोबर ते २४ नोव्हेंबरदरम्यान दोन्ही दिशांनी प्रत्येकी १३ फेऱ्या पूर्ण करेल. CSMT मुंबई-लातूर विशेष ट्रेन दर मंगळवारी आणि गुरुवारी रात्री १२:३५ वाजता मुंबईहून सुटेल आणि त्याच दिवशी सकाळी ११:४० वाजता लातूरला पोहोचेल. परतीच्या प्रवासात लातूर-CSMT मुंबई विशेष ट्रेन त्याच दिवशी संध्याकाळी १६:३० वाजता सुटून दुसऱ्या दिवशी सकाळी ४:१० वाजता मुंबईला पोहोचेल. कोल्हापूर-कलबुर्गी स्पेशल ही ट्रेन कोल्हापूर आणि कलबुर्गी दरम्यान शुक्रवार वगळता आठवड्यातून 6 दिवस धावेल. दोन्ही दिशांनी ही ट्रेन 32-32 फेऱ्या करेल. कोल्हापूर-कलबुर्गी विशेष ट्रेन 10 ऑक्टोबर ते 15 नोव्हेंबरदरम्यान सकाळी 06:10 वाजता कोल्हापूरहून रवाना होऊन सायंकाळी 16:10 वाजता कलबुर्गी येथे पोहोचेल. परतीच्या प्रवासात ही ट्रेन कलबुर्गीहून सायंकाळी 18:10 वाजता सुटून दुसऱ्या दिवशी सकाळी 05:40 वाजता कोल्हापूरला पोहोचेल.
Source link
दिवाळी-दसऱ्याला 102 फेस्टिव्हल स्पेशल गाड्या धावणार:तिकिटांचे बुकिंग सुरू; वेळा आणि मार्गांची माहिती जाणून घ्या
