राजापेठ पोलिस ठाण्याच्या हद्दीतील अकोली मार्गावर पोलिसांनी एका २२ वर्षीय तरुणाकडून तब्बल २७७ ग्रॅम (किंमत ४१.५५ लाख रुपये) एमडी जप्त केली आहे. याचवेळी दहा लाखांची कार असा सुमारे ५१.५५ लाखांचा मुद्देमाल पोलिसांनी जप्त केला आहे. ही कारवाई शनिवारी (दि. १) रात्री आठ ते सव्वा आठ वाजताच्या सुमारास झाली. साहिल राजेश मेहरा (२२, रा. शिवाजी संकुल, अकोली रोड, अमरावती) याला अटक करण्यात आली आहे. राजापेठचे ठाणेदार संदीप चव्हाण यांना गोपनीय बातमीदाराकडून माहिती मिळाली होती. साहिल मेहरा हा एमडीची मोठ्या प्रमाणात विक्री करतो. त्यामुळे राजापेठ पोलिस मागील महिनाभरापासून त्याच्या मागावर होते. दरम्यान, दोन दिवसांपूर्वी मोठ्या प्रमाणात एमडीची खेप त्याच्याकडे पोहोचल्याची पक्की खबर राजापेठ पोलिसांना मिळाली. त्या आधारे पोलिसांना माहिती मिळाली. शनिवारी रात्री आठ वाजताच्या सुमारास तो चारचाकी वाहनातून जात असताना एमडी ड्रग्जची विक्री करण्यासाठी अकोली रोड परिसरात येणार होता. या माहितीच्या आधारे डी.बी. पथकाने सापळा रचला. संशयित वाहन पोहोचताच पोलिसांनी त्याला चहुबाजूंनी घेरले. वाहनाची आणि साहिलची झडती घेतली. त्याच्याकडे ४१ लाख ५५ हजार रुपये किमतीचे २७७ ग्रॅम एमडी ड्रग्ज आढळले. विक्रीसाठी लागणारे साहित्यही आढळले. १० लाख रुपयांची कारही आढळली. १ लाख ७० हजार रुपयांचे दोन आयफोनही आढळले. असा एकूण ५३.२५ लाख रुपयांचा ऐवज पोलिसांनी जप्त केला. याप्रकरणी राजापेठ पोलीस ठाण्यात एनडीपीएस कायद्यांतर्गत गुन्हा दाखल करण्यात आला आहे. बाहेर राज्याची लिंक आणि शहरात ते १५ ग्राहक पोलिसांच्या प्राथमिक चौकशीत या ड्रग्ज तस्करीतील अनेक धक्कादायक खुलासे समोर येत आहेत. प्राथमिक माहितीनुसार, साहिल मेहरा हा बाहेरील राज्यातून एमडी ड्रग्ज अमरावतीत आणत होता. विशेष म्हणजे, शहरात हे ड्रग्ज कोणाकोणाला पुरवले जात होते, याचे मोठे नेटवर्क पोलिसांच्या हाती लागले आहे. तपासादरम्यान सुमारे १३ ते १५ जणांची नावे थेट राजापेठ पोलिसांच्या रडारवर आली आहेत. हे लोक आरोपीकडून नियमितपणे एमडी ड्रग्ज विकत घेत होते. पोलिस आता या १३ ते १५ संशयितांचा शोध घेत आहेत.
Source link
राजापेठ पोलिसांनी पकडले 41 लाखांचे एमडी; 1 अटकेत:महिनाभरापासून पोलिस मागावर : अकोलीत कारवाई
