रामदास कदमांकडे पुरावे होते तर योगेश कदमांनी राजीनामा द्यावा:आमदार अनिल पाटलांची मागणी, कर्तव्यात कसूर केल्याचा आरोप

अजित पवार यांच्या निधनानंतर त्यांच्या अपघाताबाबत आणि संभाव्य घातपाताच्या संशयावरून राजकीय वर्तुळात आरोप-प्रत्यारोप सुरू आहेत. शिवसेनेचे ज्येष्ठ नेते रामदास कदम यांनी या प्रकरणासंदर्भात केलेल्या विधानांमुळे राजकीय चर्चेला आणखी वेग आला आहे. या पार्श्वभूमीवर अजित पवार यांच्या राष्ट्रवादी काँग्रेसचे आमदार आणि माजी मंत्री अनिल पाटील यांनी गृहराज्यमंत्री योगेश कदम यांच्या राजीनाम्याची मागणी केली आहे. रामदास कदम यांच्याकडे अजित पवारांच्या घातपातासंदर्भात कोणते पुरावे किंवा ठोस माहिती होती, तर ती तपास यंत्रणांपर्यंत पोहोचवण्याची जबाबदारी पार पाडली गेली का, असा सवाल त्यांनी उपस्थित केला. आमदार अनिल पाटील यांनी या प्रकरणावर बोलताना रामदास कदम यांच्याकडे अजित पवार यांच्या घातपाताबाबत संशय किंवा पुरावे असतील, तर त्याची माहिती संबंधित तपास यंत्रणांना देणे आवश्यक होते, असे म्हटले. विशेष म्हणजे रामदास कदम यांचे पुत्र योगेश कदम हे राज्याचे गृहराज्यमंत्री आहेत. त्यामुळे रामदास कदम यांच्याकडे अशा प्रकारची महत्त्वाची माहिती उपलब्ध असताना ती तपास यंत्रणांपर्यंत पोहोचवण्यात आली नसेल, तर या प्रकरणात गृहराज्यमंत्र्यांची जबाबदारी निश्चित केली पाहिजे, अशी भूमिका अनिल पाटील यांनी मांडली. योगेश कदम यांनी कर्तव्यात कसूर केल्याचा आरोप रामदास कदम यांच्याकडे अजित पवार यांच्या घातपातासंदर्भात काही माहिती किंवा पुरावे होते आणि तरीही ते संबंधित तपास यंत्रणांना देण्यात आले नसतील, तर हा गंभीर प्रकार आहे, असे अनिल पाटील यांनी म्हटले. गृहराज्यमंत्री योगेश कदम यांच्या घरातच या प्रकरणासंदर्भातील माहिती किंवा पुरावे असल्याचा दावा केला जात असेल, तर ते आतापर्यंत सीबीआय किंवा अन्य तपास यंत्रणांपर्यंत का पोहोचले नाहीत, असा प्रश्न त्यांनी उपस्थित केला. गृहराज्यमंत्र्यांच्या कुटुंबातील व्यक्तीकडे एवढी महत्त्वाची माहिती असताना ती तपास यंत्रणांना देण्यासाठी आवश्यक ती मदत झाली नसेल, तर योगेश कदम यांनी आपल्या पदाचा राजीनामा द्यायला हवा, अशी मागणी त्यांनी केली. योगेश कदम यांनी कर्तव्यात कसूर केली असून गोपनीयतेचा भंग केल्याचा आरोपही अनिल पाटील यांनी केला. त्यामुळे या संपूर्ण प्रकरणात सर्वप्रथम गृहराज्यमंत्री योगेश कदम यांचा राजीनामा घेतला पाहिजे, असे ते म्हणाले. पुरावे असतील तर तपास यंत्रणांकडे सादर करा दरम्यान, केवळ संशय व्यक्त करून किंवा आरोप करून या प्रकरणाचे गांभीर्य कमी होता कामा नये. रामदास कदम यांच्याकडे अजित पवार यांच्या घातपातासंदर्भात काही ठोस पुरावे असतील, तर त्यांनी ते संबंधित तपास यंत्रणांकडे सादर करावेत, अशी मागणीही अनिल पाटील यांनी केली. या प्रकरणातील वस्तुस्थिती समोर येण्यासाठी उपलब्ध माहिती तपास यंत्रणांपर्यंत पोहोचणे महत्त्वाचे असल्याचे त्यांनी स्पष्ट केले. रामदास कदम यांच्याकडे खरोखरच काही पुरावे असतील आणि ते जाणीवपूर्वक तपास यंत्रणांपासून दूर ठेवण्यात आले असतील, तर योगेश कदम यांनी मंत्रिपदावर राहण्याचा नैतिक अधिकार गमावला आहे, अशी टीकाही अनिल पाटील यांनी केली. त्यामुळे या प्रकरणात केवळ आरोप-प्रत्यारोप न होता संबंधितांनी पुरावे सादर करावेत आणि तपास यंत्रणांनी सत्य समोर आणावे, अशी त्यांची भूमिका आहे. विलीनीकरणाची चर्चा केवळ माध्यमांमध्ये; आमदारांच्या भेटीचे वृत्त अनिल पाटलांनी फेटाळले दुसरीकडे, राष्ट्रवादी काँग्रेसच्या दोन्ही गटांच्या विलीनीकरणाच्या चर्चेवरही अनिल पाटील यांनी भाष्य केले. अजित पवार यांच्या राष्ट्रवादी काँग्रेसचे आमदार विलीनीकरणाच्या मुद्द्यावर शरद पवार यांची भेट घेणार असल्याच्या वृत्ताचे त्यांनी खंडन केले. सध्या राष्ट्रवादी काँग्रेसच्या विलीनीकरणाची चर्चा केवळ माध्यमांमध्ये सुरू असून, आमच्या पक्षातील आमदार शरद पवार यांची भेट घेणार असल्याचे वृत्त निराधार आहे, असे त्यांनी स्पष्ट केले. पार्थ पवार यांनी शरद पवार यांची भेट घेतली होती. मात्र, ही भेट विलीनीकरणाच्या संदर्भात नव्हती, असेही अनिल पाटील यांनी सांगितले. शरद पवार हे देशातील ज्येष्ठ नेते आहेत. त्यांच्या प्रकृतीची विचारपूस करण्यासाठी पार्थ पवार यांनी भेट घेतली होती. त्याचप्रमाणे पक्षातील आमदारही त्यांच्या प्रकृतीची विचारपूस करण्यासाठी भेट घेऊ शकतात. मात्र, अशा भेटींचा अर्थ विलीनीकरणासंदर्भातील चर्चा असा काढणे चुकीचे असल्याचे त्यांनी नमूद केले. तसेच, शरद पवार यांच्या भेटीसंदर्भात पक्षातील कोणत्याही आमदाराला निरोप देण्यात आलेला नाही, असेही त्यांनी स्पष्ट केले. त्यामुळे दोन्ही राष्ट्रवादी काँग्रेसच्या विलीनीकरणासाठी आमदारांची बैठक किंवा भेट आयोजित केली जात असल्याच्या चर्चांमध्ये तथ्य नसल्याचे अनिल पाटील यांनी सांगितले. एकीकडे अजित पवार यांच्या निधनासंदर्भातील संशयावरून गृहराज्यमंत्री योगेश कदम यांच्या राजीनाम्याची मागणी, तर दुसरीकडे राष्ट्रवादी काँग्रेसच्या विलीनीकरणाच्या चर्चेवर स्पष्टीकरण, अशा दोन्ही मुद्द्यांवर अनिल पाटील यांनी आपली भूमिका मांडली आहे. हेही वाचा…. जशी वेळ येईल, तशा गोष्टी तुम्हाला कळतील:राष्ट्रवादीच्या विलीनीकरणाच्या चर्चांवर उपमुख्यमंत्री सुनेत्रा पवारांचे सूचक विधान राज्यात सध्या राजकीय घडामोडींना वेग आला असताना, राष्ट्रवादी काँग्रेसच्या विलीनीकरणाच्या चर्चेने राजकीय वर्तुळात मोठी खळबळ उडवून दिली आहे. या सर्व चर्चांवर उपमुख्यमंत्री सुनेत्रा पवार यांनी अतिशय सूचक विधान केले आहे. “जशी वेळ येईल, तशा गोष्टी तुम्हाला कळतील,” असे त्या म्हणाल्या आहे. सविस्तर वाचा…



Source link