महाराष्ट्रातील सत्तासंघर्ष, शिवसेना पक्षनाव, धनुष्यबाण चिन्ह आणि आमदारांच्या अपात्रतेच्या मुद्द्यावर सर्वोच्च न्यायालयात आज पुन्हा सलग महत्त्वाची सुनावणी पार पडत आहे. महाराष्ट्र विधानसभा अध्यक्षांनी एकनाथ शिंदे गटाच्या आमदारांना अपात्र ठरवण्यास दिलेला नकार आणि केंद्रीय निवडणूक आयोगाने (ECI) शिंदे गटाला अधिकृत शिवसेना म्हणून दिलेली मान्यता, या दोन्ही निर्णयांविरोधात शिवसेना (उद्धव बाळासाहेब ठाकरे) पक्षाने सर्वोच्च न्यायालयात दाखल केलेल्या याचिकांवर सरन्यायाधीश सूर्यकांत, न्यायमूर्ती जॉयमाल्या बागची आणि न्यायमूर्ती जे. व्ही. मोहना यांच्या त्रिसदस्यीय खंडपीठासमोर ही सुनावणी सुरू आहे. आजच्या सुनावणीत ठाकरे गटाचे ज्येष्ठ वकील कपिल सिब्बल आपला उर्वरित युक्तिवाद पूर्ण करणार असून, त्यानंतर एकनाथ शिंदे गटाच्या वतीने न्यायालयात युक्तिवाद सुरू केला जाण्याची शक्यता आहे. अपात्रता याचिकांचा घटनाक्रम: २३ जून २०२२: १६ आमदारांविरोधात अपात्रता याचिका दाखल. २७ जून २०२२: २२ आमदारांविरोधात याचिका दाखल. ३ आणि ५ जुलै २०२२: अनुक्रमे अध्यक्ष निवडणूक आणि विश्वासदर्शक ठरावात पक्षाचा व्हीप (Whip) मोडल्याप्रकरणी ३९ आमदारांवर याचिका. १० जानेवारी २०२४: विधानसभा अध्यक्षांनी या सर्व याचिका फेटाळल्या. आजच्या सुनावणीत काय घडणार? आज सकाळी कामकाज सुरू होताच ज्येष्ठ वकील कपिल सिब्बल १० व्या सूचीच्या कायदेशीर तरतुदींवर आपला युक्तिवाद संपवतील. त्यानंतर विधानसभा अध्यक्षांच्या निर्णयाचे आणि विधिमंडळातील बहुमताचे समर्थन करण्यासाठी एकनाथ शिंदे गटाच्या वकिलांकडून बाजू मांडली जाईल. कोर्टातील आजच्या कामकाजाचे आणि घडामोडींचे ताजे अपडेट्स पाहण्यासाठी खालील ब्लॉगमधून जा…
Source link
शिवसेना पक्ष-चिन्ह व आमदार अपात्रता खटला:सुप्रीम कोर्टात थोड्याच वेळात सुनावणी; आज कपिल सिब्बल यांचा युक्तिवाद पूर्ण होणार, नंतर शिंदे गट बाजू मांडणार
