दिल्लीतील इंडिया आघाडीशी संबंधित आंदोलनावरून राज्यातील राजकीय वातावरण तापले आहे. ज्येष्ठ वकील प्रशांत भूषण यांनी पत्रकार परिषदेत सत्तांतराची गरज असल्याचे विधान केल्याचा व्हिडीओ मुख्यमंत्री देवेंद्र फडणवीस यांनी सोशल मीडियावर शेअर केला. या विधानाच्या आधारे त्यांनी आंदोलनाच्या उद्देशावर प्रश्न उपस्थित करत विरोधकांवर निशाणा साधला. विद्यार्थ्यांच्या प्रश्नांपासून सुरू झालेल्या आंदोलनामागे राजकीय हेतू असल्याचा आरोप त्यांनी केला. मनात लपलेली गोष्ट ओठांवर आलीच – फडणवीसांचा प्रहार मुख्यमंत्री देवेंद्र फडणवीस यांनी त्यांच्या सोशल मीडिया अकाऊंटवरून प्रशांत भूषण यांचा हा व्हिडिओ शेअर करत इंडिया आघाडीच्या आंदोलनाच्या मुख्य हेतूवरच प्रश्नचिन्ह उपस्थित केले आहे. फडणवीस यांनी आपल्या पोस्टमध्ये म्हटले आहे की, “It’s done bro, everything is exposed!! Afterall, it was all about ‘Regime Change’.. अखेर मनात लपलेली गोष्ट ओठांवर आलीच.” फडणवीस यांनी विरोधकांवर गंभीर आरोप करत पुढे म्हटले आहे की, हा संपूर्ण खेळ केवळ सत्तेसाठी सुरू आहे. मग त्यासाठी विद्यार्थ्यांच्या किंवा शेतकऱ्यांच्या भावना भडकवणे असो, जाती-धर्माच्या आणि भाषेच्या नावाखाली समाजात द्वेष पसरवणे असो, किंवा देशातील महत्त्वाच्या घटनात्मक संस्थांची प्रतिमा मलीन करणे असो; या आंदोलनाच्या आडून केवळ देशात अराजकता माजवण्याचा विरोधकांचा मूळ उद्देश आता उघड झाला आहे. बांगलादेशच्या धर्तीवर देशात सत्तांतराचा डाव? देशाचे संरक्षणमंत्री राजनाथ सिंह यांनीही याच मुद्द्यावरून काँग्रेस आणि विरोधकांवर जोरदार हल्ला चढवला आहे. देशातील तरुणांच्या माथी भडकवण्याचे काम सुरू असून, लोकशाहीतील घटनात्मक संस्थांना जाणीवपूर्वक कमकुवत करून देशात आग लावण्याचा विरोधकांचा एकमेव अजेंडा असल्याचा गंभीर आरोप राजनाथ सिंह यांनी केला आहे. राजकीय स्वार्थासाठी देशातील युवकांचा वापर केला जात असून, अगदी ‘बांगलादेश’च्या धर्तीवर भारतातही सत्तांतर घडवून आणण्याचा डाव आखला जात असल्याचे त्यांनी म्हटले आहे. विशेष म्हणजे, सीजेपीच्या मंचावरील नेहा बोरा यांनी एका पत्रकार परिषदेत उघडपणे बांगलादेशचा आदर्श समोर ठेवण्याचे विधान केले होते. यावरून विरोधकांचा छुपा आणि विघातक अजेंडा आता स्पष्टपणे देशासमोर आला असल्याचे राजनाथ सिंह यांनी सांगितले आहे. —————– हेही वाचा.. राजनाथ म्हणाले- राहुल तरुणांची दिशाभूल करत आहेत: विरोधी देशात दहशतवादी निर्माण करू इच्छितात, बांगलादेशाप्रमाणे जबरदस्तीने सरकार बदलू इच्छितात
संरक्षण मंत्री राजनाथ सिंह यांनी शुक्रवारी म्हटले की, अलीकडच्या काळात दिल्लीत झालेल्या आंदोलनांनी अनेक प्रश्न उपस्थित केले आहेत. काँग्रेस आणि त्यांचे सहयोगी पक्ष तरुणांची दिशाभूल करत आहेत. बांगलादेशच्या धर्तीवर देशातील सरकार जबरदस्तीने बदलण्याचा त्यांचा प्रयत्न आहे. त्यांचा अजेंडा लोकशाही संस्थांना उद्ध्वस्त करणे आणि देशात दहशतवादी निर्माण करणे हा आहे. सविस्तर वाचा
Source link
अखेर मनातलं ओठांवर आलंच… हा सगळा खेळ सत्तेसाठी!:प्रशांत भूषण यांचा व्हिडिओ शेअर करत मुख्यमंत्री फडणवीसांचा घणाघात
