कोलकात्यातील चोरबागान दुर्गापूजा मंडपात शनिवारी संध्याकाळी चेंगराचेंगरी होऊन 19 जणांचा मृत्यू झाला, तर 25 जण जखमी झालेत. पोलिसांनी या प्रकरणी आयोजकांसह 7 जणांना अटक केली आहे. गिरिश पार्क पोलीस ठाण्यात सदोष मनुष्यवधाच्या प्रकरणी त्यांच्याविरोधात एफआयआर दाखल करण्यात आला आहे. या दुर्घटनेत मृत्युमुखी पडलेल्यांत 13 महिलांचा समावेश आहे. त्यापैकी उत्तर 24 परगणा जिल्ह्यातील बारावीची विद्यार्थिनी आणि हुगळी येथील एका परिचारिकेचाही समावेश आहे. पोलीस इतर मृतांची ओळख पटवण्याचे काम करत आहेत. दुर्घटनेमागील अनेक कारणेही समोर आली आहेत. पाऊस सुरू झाल्यानंतर मंडपात मोठ्या प्रमाणावर गर्दी जमा झाली होती, असे सांगितले जात आहे. मंडपाच्या आत अंधार होता आणि प्रवेश-निर्गमनाचे मार्ग अरुंद होते. गर्दीच्या दबावामुळे बाहेर पडण्याच्या दरवाजाचा एक भाग कोसळला. त्यानंतर सुरक्षा कर्मचाऱ्यांनी लोकांना बाहेर पडण्याचे आवाहन केले आणि त्याच वेळी चेंगराचेंगरी सुरू झाली. दुर्घटनेच्या दोन दिवस आधीच या मंडपाची पश्चिम बंगाल सरकारच्या ‘देवी दुर्गा सन्मान 2026’ अंतर्गत ‘बेस्ट ऑफ बेस्ट’ श्रेणीत निवड झाली होती. या श्रेणीत कोलकात्यातील केवळ तीन मंडपांचा समावेश होता.
Source link
कोलकाता चेंगराचेंगरीत 19 ठार, आयोजकांसह 7 जण अटकेत:मृतांत बारावीची विद्यार्थिनी, नर्सचा समावेश; मंडपाला मिळाला होता बेस्ट-ऑफ-बेस्ट अवॉर्ड
