दिवाळीच्या सणात फटाके फोडण्यावरून सुरू झालेला किरकोळ वाद थेट रक्तरंजित संघर्षापर्यंत पोहोचल्याची घटना बीड जिल्ह्यातील गेवराई शहरात घडली आहे. फटाक्याची ठिणगी अंगावर पडल्याच्या कारणावरून दोन गटांमध्ये जोरदार हाणामारी झाली. यावेळी वादाचे रूपांतर हल्ल्यात झाले आणि धारदार शस्त्रांचा वापर करून पाच जणांना गंभीर जखमी करण्यात आले. या घटनेमुळे गेवराई शहरातील कुंभार गल्ली परिसरात मोठी खळबळ उडाली आहे. मिळालेल्या माहितीनुसार, गेवराई शहरातील कुंभार गल्ली भागात दिवाळीदरम्यान फटाके फोडले जात असताना एका व्यक्तीच्या अंगावर फटाक्याची ठिणगी पडली. याच कारणावरून दोन गटांमध्ये वादाला सुरुवात झाली. सुरुवातीला शाब्दिक बाचाबाची झाल्यानंतर दोन्ही बाजूंनी वाद वाढत गेला. काही वेळातच या वादाचे रूपांतर हाणामारीत झाले. यावेळी संबंधितांनी एकमेकांवर हल्ला चढवला. परिस्थिती चिघळल्यानंतर धारदार शस्त्रांचा वापर करण्यात आला. या हल्ल्यात पाच जण गंभीर जखमी झाले. या घटनेत सार्थक सुनील खडके (वय 21), मनीषा सुनील खडके (वय 42), ओम गणेश खडके (वय 19), सुनील सुधाकर खडके (वय 50) आणि मंगेश शिवाजी गोरे (वय 19) हे जखमी झाले आहेत. यामध्ये एकाच कुटुंबातील काही सदस्यांचाही समावेश आहे. अचानक झालेल्या या हल्ल्यामुळे परिसरात गोंधळाचे वातावरण निर्माण झाले. जखमींना उपचारासाठी रुग्णालयात दाखल करण्यात आले. तिघा मुख्य आरोपींना अटक घटनेची माहिती मिळताच गेवराई पोलिसांनी प्रकरणाची दखल घेत तपास सुरू केला. हल्ल्यात सहभागी असलेल्या संशयितांचा शोध घेण्यासाठी पोलिसांनी तातडीने हालचाली केल्या. या प्रकरणात पोलिसांनी तीन मुख्य आरोपींना अटक केली आहे. तर गुन्ह्यात सहभागी असलेल्या अन्य दोन संशयितांचा शोध सुरू आहे. त्यांना लवकरच ताब्यात घेण्यासाठी पोलिसांकडून प्रयत्न केले जात आहेत. किरकोळ वादातून हिंसक संघर्ष सणासुदीच्या काळात फटाक्याची ठिणगी पडण्यासारख्या किरकोळ कारणावरून दोन गटांमध्ये झालेला वाद थेट शस्त्रांनी हल्ला करण्यापर्यंत पोहोचल्याने नागरिकांमध्ये चिंता व्यक्त केली जात आहे. या घटनेमुळे परिसरातील शांतता आणि कायदा-सुव्यवस्थेचा प्रश्न पुन्हा चर्चेत आला आहे. पोलिसांकडून या प्रकरणाचा पुढील तपास सुरू असून उर्वरित संशयितांचा शोध घेतला जात आहे. हेही वाचा…. दोन्ही राष्ट्रवादी काँग्रेसच्या विलिनीकरणाबाबत 18 जानेवारीला बैठक झाली होती:एकत्र येण्याचं ठरलं होतं, हर्षवर्धन पाटलांनी सांगितला बैठकीतील घटनाक्रम राज्याच्या राजकारणात सध्या राष्ट्रवादी काँग्रेसच्या दोन्ही गटांच्या विलिनीकरणाचा मुद्दा पुन्हा एकदा चर्चेच्या केंद्रस्थानी आला आहे. उपमुख्यमंत्री अजित पवार यांच्या निधनानंतर दोन्ही राष्ट्रवादी काँग्रेस एकत्र येणार का, याबाबत राजकीय वर्तुळात वेगवेगळे तर्कवितर्क लढवले जात आहेत. राष्ट्रवादी काँग्रेसचे अध्यक्ष शरद पवार यांच्या भेटीगाठी वाढल्या असून, उपमुख्यमंत्री सुनेत्रा पवार यांनीही योग्य वेळी योग्य निर्णय घेतला जाईल, असे सूचक विधान केले आहे. या पार्श्वभूमीवर माजी मंत्री हर्षवर्धन पाटील यांनी विलिनीकरणाच्या प्रक्रियेबाबत महत्त्वाचा खुलासा केला आहे. दोन्ही राष्ट्रवादी काँग्रेस एकत्र येण्याबाबत यापूर्वीच निर्णय झाला होता. 18 जानेवारी रोजी यासंदर्भात बैठक झाली होती आणि त्या बैठकीला आपण स्वतः उपस्थित होतो, असे त्यांनी स्पष्ट केले. सविस्तर वाचा….
Source link
फटाक्याची ठिणगी पडल्याच्या वादातून दोन गटांत तुफान हाणामारी:धारदार शस्त्रांनी हल्ला, 5 जण गंभीर जखमी
