राज्यात नीट परिक्षा तसेच प्रवाशांची संभाव्य गर्दी लक्षात घेता दक्षिण मध्य रेल्वेच्या नांदेड विभागाने रेल्वेगाड्यांना एक अतिरिक्त सर्वसाधारण डब्बा जोडण्याचा निर्णय घेतला आहे. या निर्णयामुळे विद्यार्थ्यांसह प्रवाशांची सोय होणार आहे. राज्यात रविवारी ता. २१ नीट परिक्षा होणार आहे. यापरिक्षेसाठी आपापल्या परिक्षा केंद्रावर जाण्यासाठी शहरी तसेच ग्रामीण विद्यार्थ्यांना प्रवास करावा लागणार आहे. काही ठिकाणी स्थानिक परिक्षा केंद्रावर तर काही भागात बाहेर जिल्हयात जाऊन विद्यार्थ्यांना परिक्षा द्यावी लागणार आहे. विद्यार्थ्यां सोबतच त्यांचे पालक देखील असण्याची शक्यता आहे. त्यामुळे शनिवारपासून रेल्वेगाड्यांना गर्दी राहणार आहे. या परिक्षेसाठी जाणाऱ्या विद्यार्थ्यांची वाहतूकीची सोय व्हावी यासाठी नांदेड विभागाने रेल्वेगाड्यांना एक अतिरिक्त जनरल डब्बा जोडण्याचा निर्णय घेतलाआहे. यामध्ये गाडी क्रमांक ५७६५१ हुजूरसाहिब नांदेड ते मनमाड रेल्वेला ता. २० जून रोजी, तसेच परतीच्या प्रवासात ता. २१ जून रोजी एक डब्बा जोडला जाईल. तसेच गाडी क्रमांक ५७६५३ पूर्णा ते अदिलाबाद रेल्वेला ता. २० जून व ता २१ जून रोजी, गाडी क्रमांक ५७६५४ आदिलाबाद ते परळी गाडीला ता. २१ जून व ता. २२ जून, गाडी क्रमांक ५७६५५ परळी वैजनाथ ते अकोला या रेल्वेला ता. २१ जून व ता. २२ जून, गाडी क्रमांक ५७६५६ अकाेला ते पूर्णा रेल्वेला ता. २२ जून व ता. २३ जून रोजी अतिरिक्त डब्बा जोडला जाणार आहे. विद्यार्थ्यांसह प्रवाशांना सुरक्षित सुलभ व आरामदायी प्रवासासाठी हा निर्णय घेण्यात आला असून प्रवाशांना या सुविधेचा लाभ घेण्याचे आवाहन रेल्वे विभागाने केले आहे.
Source link
NEET परिक्षेच्या पार्श्वभुमीवर रेल्वे गाड्यांना सर्वसाधारण डब्बे जोडण्याचा निर्णय:विद्यार्थ्यांसह प्रवाशांची सोय होणार
